Matay 4:17 - Seysyo No Tao

¹⁷ Nimyapo no kanang o kapeylimwang na rana ni Yeso no nanao na. Maniring am, “Karwan nyo o peyraratenan nyo, ta yarana makeykai o yana katalamozong ninyo ni Ama ta do to.”

Matay 4:17 ပူးပေါင်းရင်းမြစ်များ

Matay 10:7

Ipeylimwang nyo do angayan nyo o kakeykai na rana makaranes no katalamozong na ninyo ni Ama ta do to.

Matay 11:12

Niminda no kapangnanao ni Yowani a na kato ngayyan nya sicyaikwaya o da kapeyyoyoba a macikaop do italamozong na ni Ama ta do to no tao, do na katey arako no oyowyat na.

Matay 13:11

Tovisan ni Yeso am, “O ji na nipatwaw pa a peypeypangayan na do talamozongan na ninyo ni Ama ta do to o nipanci ko jinyo. Am o karwan no tao am da pa jyatenngi ori.

Matay 13:24

Mangononong pa si Yeso so asa ka pehngehngayan na so ciring na. Maniring am, “O italamozong na ni Ama ta do to am akman so tao a mangay a meymowa do nihakawan da.

Matay 13:47

“O italamozong na ni Ama ta do to am akman so tawaz a pazaten do awa a ipanawaz so makakaday a among.

Matay 13:9

Maniring si Yeso am, “Amizngen nyo an, peyyanen nyo do onowned nyo ori an.”

Matay 25:1

“O ipakaranes no araraw no italamozong ni Ama ta do to am akman so asa ngarnan a mavakes a meypinan so zampo a mangay a omrapong so mapazagpit a tao.

Matay 3:2

Maniring am, “Mamlis kamo na, ta yarana makeykai o na katalamozong ninyo ni Ama ta do to.”

Matay 6:10

Inaoy no italamozong mo o karawan. Inaoy no mai jyamen do teyrahem o apiya ahahapan mo sya do teyngato.

Matay 9:13

O ciring do Seysyo am, ‘O kakdain ko am karilaw nyo no icyatatao nyo. So ikabeken a patanangen nyo a makakaday.’ Angay kamo na kanakenakem nyo pala so peypeypangayan no ciring ang. Ta o ko nyai am beken a ko manara so ji meyraraten a tao. Ta o yameyraraten a tao am ori o yako nyai.”

Locya 15:10

Ko pa ciring jinyo am o tinsi na ni Ama ta do to am akman so sang a somaray no asa ka mamlis a meyraraten a tao.”

Locya 15:7

Ko pa ciring jinyo am no mamlis o asa ka meyraraten a tao am arakorako pa o sarasaray do teyngato a kano asyam so ipakapoo (99) a tanwasiwasi a tao a jyakza no kapamlis da.

Locya 24:47

Am ori o papwen sya do Yelosaleng a meylimwang no mamlis a kano manvonas so raraten a ciriciring a kangay na do peycyamahamahatawan na.

Locya 3:23

Papwen na ni Yeso Kizisto o kapangnanao na am sikatlo (30) rana o kakawakawan na. O ipanci da no tao am anak na ni Yoseyvo si Yeso. Si Yoseyvo am anak ni Idi.

Locya 5:32

Ta yaken rana am beken a ko manara so ji meyraraten a tao an. Ta vazay ko o kapanci ko no meyraraten a tao a mamlis so nakenakem an.”

Locya 9:2

katovoy na sira mangay a meylimwang no ciriciring na do katalamozong na nyaten ni Ama ta do to a kapangiwakwak da so meyngen a tao.

Nimlivolivon 11:18

Mamizing da o ciring na jira am ji da rana namwada, ta isaray da si Ama ta do to. Maniring sira am, “Yamanoyong si Ama ta do to a yamarilaw no beken a tao do Yotay a nimamlis rana a na torwan no to meyyonong a ikavyay no pahad da.”

Nimlivolivon 17:30

No kaji da pa makatenngan ji Ama ta do to no tao am ji na naknakma o raraten da. Am sicyaikwaya am na ikakza o tao a yamamlis a komaro rana do peyraratenan da.

Nimlivolivon 2:38

Maniring si Pite jira am, “Mamlis kamo na so nakem a komaro do raraten nyo a kataktak da jinyo no ngaran ni Yeso Kizisto. Ta ori o ikavonas na no raraten nyo a katoro na rana nya jinyo so Seyzi ni Ama ta do to.

Nimlivolivon 20:21

Tana tao do Yotay a tana tao do Sila am yako inyo to peyyangangaya a yananawen, do ko kakza ninyo a mamlis so nakem a omanoyong ji Yeso Kizisto a Panirsirngen ta.

Nimlivolivon 26:20

Nimanma na do Tamaseke a kado Yelosaleng o nyangayan ko a kangay ko na do peycyeylilyan na do Yotay a kado peyilyan da no beken a tao do Yotay amvavaga jira a komaro do peyraratenan da a somazap si Ama ta do to a mapacita rana no apiya icicirawat da, do kanoyong da rana nimamlis.

Nimlivolivon 3:19

Am ori o ipamlis nyo rana somazap si Ama ta do to. Ta ori o ivonas na so raraten nyo.

Sipolay 6:1

Yaten rana am meypahagnat tamo rana so nakem ji Ama ta do to. Taosya o kato ta oliolyan sya amizngen so ta na katenngan a nanao ni Ama ta do to do kapamlis a manganoyong,