Matay 4:11 - Seysyo No Tao

¹¹ Makarahan am karwan na rana si Yeso ni Satan a kai no aro a tinsi ni Ama ta do to a somidong sya.

Matay 4:11 ပူးပေါင်းရင်းမြစ်များ

Matay 26:53

Manngwa, mo jyatenngi yaken? Ta si tawagan ko si Ama am jyabo kaji na manovoyan so makazivo a tinsi a somidong jyaken a.

Matay 4:6

Maniring jya am, “No ka manoyong a Anak no Tao do to am okso pala do teyrahem ito. Ta o ciring do Seysyo am, ‘Manovoy o Tao do to so tinsi na a mangay omzat jimo. So tazapyan da jimo no lima da kaji na meyzazan no ai mo do vato.’ ”

Make 1:13

So niyan na dang so kasikapat (40) so araraw a littan ni Satan. So nipacizavoz na do omalalam do dang. Am keyyan no aro a tinsi a somidong sya.

Locya 22:43

Amyan so asa ka tinsi a nimapo do teyngato a nimangay a omait do oyowyat na.

Locya 22:53

Ko mangday so araraw a yamacitovong jinyo do rako a panaralayan am yanyo ji ngapa yaken. Am na karateng rana no araraw a yanyo yahap jyaken do na katalamozong ninyo ni Satan.”

Locya 4:13

Tana to na ngakadaya ni Satan o ilita na jya am jyalitai si Yeso. Am ori o nikarwan na pa jya ni Satan.

Yowani 14:30

Alikey rana o yako ipacikaop jinyo a macisirsiring jinyo. Ta yarana myan o yamimong no karawan. Am ji na harag yaken no oyowyat na.

1 Timotay 3:16

Yata katenngan an, o makdeng a nanao a nipatwaw ni Ama ta do to a yata anoyngan. Nimatazak a tao si Kizisto. O Seyzi am yongkad na a abo so raraten. Nimacita da no tinsi, a yarana meylimwang do peycyamahamahatawan na, a yada rana anoyngan no aro a tao do karawan. So nikatkatan na sya ni Ama ta do to a yangay do teyngato.

Sipolay 1:14

Ikongo o tinsi. Sira rana am na kalamsoyan sira ni Ama ta do to a somidong so yarana makahap so to meyyonong a ikavyay no pahad da tao.

Sipolay 1:6

Am tovoin na o veyvowen na Anak ni Ama ta do to do karawan am maniring si Ama ta do to am, “Mamimin sira o tinsi a amraralay nya.”