Matay 3:17 - Seysyo No Tao

¹⁷ Meyratateng am amyan so ciring a apo do teyngato. Maniring am, “Iya rana ya am Anak ko a ko tey kaglaw. So yako sarayan nya.”

Matay 3:17 ပူးပေါင်းရင်းမြစ်များ

Matay 12:18

“Cita kamo, ta iya rana am ko nipamnekan a lamlamsoy ko. So ko kaglawan nya. Ko sarayan nya. Itoro ko jya o Seyzi ko. Ipeylimwang na do tao o kapatazadang ko sira do teyngato.

Matay 17:5

Ji na pa teyka ni Pite o ciring na am to ngyan so cinalab a ombengbeng sira a keyyan no ciring a maciralay do cinalab ang. Maniring am, “Iya rana am ney kaglaw ko Anak ko. So sarayan ko nya. Amizngan nyo sya.”

Make 1:11

Makarahan am maciralay o ciring na ni Ama ta do to apo do teyngato. Maniring am, “Imo rana am Anak ko imo a ko tey kaglaw. So sarayan ko nimo.”

Make 9:7

Makarahan am to ngyan so cinalab a macita da a ambengbeng do teyngato da. Meyratateng am to ngyan so ciring a meyzezyak. Maniring am, “Iya rana am ney kaglaw ko a Anak. Amizngen nyo o ciring na.”

Locya 3:22

So niyan na no Seyzi akman so hato a someyked do kataotao na. Am ori o niyan no ciriciring a nimapo do teyngato. Maniring am, “Manoyong ka Anak ko an. So sarayan ko nimo an.”

Locya 9:35

Meyratateng am amyan so ciriciring do cinalab a manci no, “Iya rana am nipamnekan ko Anak ko. So amizngan nyo sya an.”

Yowani 5:20

Am yatey rako o aryarilaw na jyaken ni Ama. Yana mamimin o vazay na yana nipacita jyaken, mangay katoro na nya jyaken so arakorako pa vazay a isavasavak nyo.

Yowani 5:37

Na ipeylimwang yaken ni Ama a nitomovoy jyaken. Abo pa jinyo o nimakamizing so ciring na. Abo pa jinyo o nimakacita so moing na.

Ivoso 1:6

So ikanoyong ta somaray no akman sang a pangangarilawan na ni Ama ta do to, do na kabo no ngina na no Anak na, na to norwan jyaten.

Kelosi 1:13

Na nyagag yaten do kasarisaryan a na kaparapong jyaten do italamozong no Anak na ni Ama ta do to.

2 Pite 1:17

No kapeydedna na so azwazway ni Ama ta do to ji Yeso Kizisto am nimyan namen do dang. Nimapo do teyngato o ciring na ni Ama ta do to. Maniring am, “Iya rana am Anak ko ya a yako ikaglaw.”

1 Yowani 5:9

Tamo anoyngan o yada ipeylimwang no tao. Am maharahara pa si Ama ta do to a meylimwang no Anak na.

Ipaziman 14:2

O nimamizing ko a ciring a apo do teyngato am akma raney azda kano adey a zomaigezeg. O nimamizing ko pa am akma raney meykaryag.