Matay 3:14 - Seysyo No Tao

¹⁴ Am naknakmen ni Yowani o kazazat na do nakenakem ni Yeso. Maniring ji Yeso am, “Beken a yaken o taktakan mo a. Ikongo mo yai jyaken.”

Matay 3:14 ပူးပေါင်းရင်းမြစ်များ

Matay 3:13

No kanang am nimapo si Yeso do Cyadidi a kapeypangay na do Yotan a ayo a mangay ji Yowani a manci nya tomaktak jya.

Matay 3:15

Maniring si Yeso jya am, “To ta macyozai o akman sya vazay an. Ta o ikakman na sya am ahapen ta o vazay ni Ama ta do to.” Makarahan am to na rana amya ni Yowani a taktakan si Yeso.

Locya 1:43

Mazavak eya yamai a tomita jyaken a ina no Panirsirngen ko.

Yowani 1:16

Yateywara o pangangarilawan na a na itoro jyaten. O aryarilaw na jyaten am yabo yakasaraw a na ipeywalam.

Loma 1:13

Yako masangib a yamnakenakem so yako kangay jinyo manga kakteh. Am na katey aro no yamzazat jyaken. Am ori o ko jyangai jinyo do dang. Ta ko ikakza inyo a nanawen a kapeyparo da no tao a omanoyong ji Yeso Kizisto do dang, akman so niomanod a beken a tao do Yotay no keyyan ko pa do ili da no beken a tao do Yotay.

Loma 3:23

Ta tanyo mamimin a yameyraraten a yaji makanet so nakenakem do tangain na ni Ama ta do to.

Loma 3:25

Nitovoy na si Yeso Kizisto a mangay mawakwak no raraten ta. So ikanoyong no meyhanhan nya tao a mavonas rana so raraten. O ikakman na sang ni Ama ta do to am ipacita na o kaji na alasan a mapeykapyapinpin so tao. Ta o pangangasyan na am ori o ji na rana mapasingsingkaji do meyhanhan nya tao no kakwa.

Cyalatay 3:22

Am o ciring do Seysyo am yatodamimin o tao do karawan a yamabedbed no raraten. Am ori an, no kakzeben ta o kapakahap ta so to meyyonong a ikavyay no pahad ta am kapeyhanhan ta ni Yeso Kizisto. Ta ori rana am mina ciring na ori ni Ama ta do to do amraralay nya tao.

Cyalatay 4:6

O nitovoyan na sya jinyo ni Ama ta do to so Seyzi ni Kizisto am kamo meyngongyod rana akma ney anak. Am ori o nyo jyanigi a yatomawag ji Ama ta do to a Ama nyo.

Sipolay 7:23

O asa pa ko ipanci am o nipanlanlag da mapatanatanang so nakem no tao no kakwa am aro sira mapalipalit. Ta no mawakwak sira am todakteb rana o vazay da.