Matay 3:12 - Seysyo No Tao

¹² Yamyan do lima na so ipaninigi. So cigyan na so kadai a kapangay na so pipya kadai do peyvokavokan, kasleb na so ata na do jyahesep a lila no apoy.”

Matay 3:12 ပူးပေါင်းရင်းမြစ်များ

Matay 13:30

To nyo macipanadngi a mamno. Cyaha, ta no langin ko na am ipanci ko do lamlamsoy ko o kapanma da so tamek a botboten a kapeykabedbed da sya asleben. O mogi am ahapen da a mangay a sokzen do panonokzan ko.’ ”

Matay 13:41

Yaken rana a Nipamnekan na ni Ama ta do to a tao am manovoy ko so tinsi a mangay omrakep so tomirara so tao a meyraraten a kano marahet so ahahapan sya,

Matay 13:42

a kapasleb ko sira do apoy a kapeylavilavi da a mapeygazicigit so ngepen da a maneneseh.

Matay 13:43

No si marateng rana ori am o ji meylimoteng so nakem do italamozong ni Ama ta do to am akman sira so araw a maniray. So amizngan nyo sya an, peyyanen nyo do onowned nyo ori an.

Locya 3:16

Am ori o pancyan na nya ni Yowani do tao so, “Ranom o itaktak ko jinyo an. Am amyan pa so mahamahama ka nyaken a mai. Ta abwata o pacicingayan ko jya. Ta iya rana am Seyzi a kano apoy o itaktak na jinyo.

Locya 3:17

Yamyan do lima na so ipaninigi. So cigyan na so kadai a kapangay na so pipya kadai do peyvokavokan na a kapasleb na so ata na do jyahesep a lila no apoy.”

Yowani 15:2

O ji malasi a yangaw a macinapnap jyaken am akteben na. O malasi a yangaw na am vezeden na, kato na ngarokan no asi na.