Matay 28:9 - Seysyo No Tao

⁹ Meyratateng am to da cita si Yeso do rarahan. Maniring jira am, “Kokay kamo.” Am ori o nipeypanam da mangay a omyapet so ai na amraralay nya.

Matay 28:9 ပူးပေါင်းရင်းမြစ်များ

Matay 14:33

O macikavang ji Yeso a macinanao jya am iraralay da rana si Yeso. Maniring sira am, “Namen anoyngan imo a Anak ni Ama ta do to.”

Matay 23:7

Ikakza da o kararalay da nira no tao do karwarwan no tao. Ikakza da o kapanci da nira a mangnanao.

Matay 28:10

Maniring jira si Yeso am, “Ji kamo anyahey. Angay kamo na kapanci nyo nya do karwan nyo a mangay do Cyadidi. Cyaha, ta macita da yaken do dang.”

Matay 28:17

Macita da si Yeso am meylilitod sira amraralay nya. Am tatasa pa jira o mapeykarwa pa so onowned.

Matay 28:8

Karahan am meybebezbezan sira komaro rana do heseb na ang. No mangay kasaray da am mangay kanyahey da a malalayo a mangay do macinanao jya.

Locya 1:28

So nyangay na no tinsi do mavakes ang. Maniring am, “Kokay. Makapiya ka so onowned an. Manoyong o na kapacilovot jimo ni Ama ta do to a yameypalanginan nimo. So yana ikatey rako no aryarilaw na jimo ni Ama ta do to.”

Locya 24:52

Ori o niraralayan da nya masasaray so onowned a meysinaoli do Yelosaleng.

Locya 7:38

a meytatanek do likod ni Yeso a omoton do ai na amlavi. So nipeyranap na no kaoo na do ai ni Yeso. Meyratateng am linasan na no avok na kahangno na so ai na kakoris na rana jya no mahangno a ipeykeykoris.

Yowani 12:3

Karahan am mangai si Madiya so mahangno a haneng. Ori rana am tey masingat ori. Karahan am to na rana mimina paglowen do ai ni Yeso a kalinas na jya no avok na. So nikahangno no sahad a yanan da.

Yowani 20:19

Ahep no niciyo am malovot sira o macinanao jya. No kanang am nipakapya da o pangengneban a nisletan, ta ikanyahey da o panipanirsirngen da no tao do Yotay. Karahan am to meytatanek si Yeso do tangain da. Maniring am, “Makapiya kamo so onowned an.”

Yowani 20:28

Maniring si Tomase ji Yeso am, “Mo Panirsirngen a Tao do to ko.”

2 Kedinto 13:11

O ney manowji na yako ipanci jinyo manga kakteh am makowyowyat kamo pa mapeypahagnat so nakenakem nyo ji Kizisto an. So ahapan nyo so ivavaga ko jinyo, akman si Yeso so onowned a apiya so nakenakem do icyatatao na. Ta jyabo kaji na macitovongan jinyo no yatey rako so pangangarilawan na kano yamanta nyaten so ikapiya ta so onowned a Tao do to ta.

Ipaziman 3:9

Citahen nyo sira o kalavongan ni Satan a yamanci no yada ka tao do Yotay a yamangalalas. Ipanci ko sira mai a meylilitod do tangain nyo a kapakateneng da na jyaken a marilaw ninyo.