Matay 28:2 - Seysyo No Tao

² Makarahan am to meykanini a kapeygegcin no tinsi ni Ama ta do to a apo do teyngato a kalolog na no rako a vato a nipasengseng da do heseb na, kalisna na jya.

Matay 28:2 ပူးပေါင်းရင်းမြစ်များ

Matay 27:60

a mey pakakasahen do nidokdokan da rako a mao a akmey azcip. Ori rana am vayo pa ori a nidokdokan na, a kalolog na so rako a vato a pazevngen na do ngoso na a kangay na rana.

Matay 27:66

Karahan am pangayan da so itovil da jya do vato a somengseng do ngoso no heseb na a kato da rana vezedan do dang no itaysang a mamzat do heseb na.

Yowani 20:1

Madagdag do niciyo am ji pa dada o araw. O meyngaran so Matelyan Madiya am nimangay do heseb ni Yeso. Am to na cita o rako a veysen do ngoso na nimapakaro.

Nimlivolivon 16:26

Meyratateng am to ngyan so rako a kanini. Am ori o nikagonagonay no pamemtengan a kapeycyeyweywang na no pangengneban. O nivaod da sira vahalang do lima da am to meycyazavazavat.

Nimlivolivon 5:19

Mahep rana am amyan so tinsi ni Ama ta do to a nimiwang do pamemtengan a kapalolo na sira makowbot. Maniring jira am,

1 Timotay 3:16

Yata katenngan an, o makdeng a nanao a nipatwaw ni Ama ta do to a yata anoyngan. Nimatazak a tao si Kizisto. O Seyzi am yongkad na a abo so raraten. Nimacita da no tinsi, a yarana meylimwang do peycyamahamahatawan na, a yada rana anoyngan no aro a tao do karawan. So nikatkatan na sya ni Ama ta do to a yangay do teyngato.

1 Pite 1:12

Nipaziman na rana ni Ama ta do to do panoyonoywan na so ciring a tao o ka beken na monganay jira no ipanci da vazay. Ta monganay jinyo a omanoyong jya. Am sicyaikwaya am na rana nioyatan sira no Seyzi o yameylimwang no Mapasaray a Ciriciring jinyo. Am o da ipeylimwang ori am mangay do tinsi o yamakza nya a katenngan.

Ipaziman 11:19

Karahan am meywang rana o raralayan ni Ama ta do to do teyngato a kapeytotwaw no kavangan a kakozongan no nivatvatkan a pangozayan a ciring na ni Ama ta do to do Isedi a tao no kakwa pa amyan do panaralayan, a kapeycicilat na zomaigezeg, a kapeykanini na rana, a kapeycyahekas no rarako a makarerekmeh do teyrahem.