Matay 27:62 - Seysyo No Tao

⁶² Ikadwa na araw am araraw no ipeywalam no tao do Yotay. O panipanirsirngen no mapatanatanang so nakem da si Ama ta do to a kano tao a macyagom do Vadisay am mangay sira ji Pilato.

Matay 27:62 ပူးပေါင်းရင်းမြစ်များ

Matay 26:17

Omanam o kasaraw do ipamaring da so kanen a iyakan da so ji nimimway a pang am pacicin da si Yeso no macinanao jya. Maniring sira am, “Do wanjin mo tovoyan jyamen a tomalakanen so pamaringan ta so kanen do Iyeci.”

Make 15:42

Maseyrem rana do vekhas na no ipeywalam da no tao do Yotay am nimai si Yoseyvo. Iya rana am tao do Adimatay a tey kanig da ori no panipanirsirngen a kararay na. Iya rana am tey saray na no nang o kapananala na so katalamozong na nyaten ni Ama ta do to. Ji na mamman si Pilato. Am ori o yangay na a manci nya ji Pilato so kakas na so kataotao ni Yeso a pakakasahen.

Yowani 19:14

Omanam o araraw no ipamaring da so kanen do Iyeci. Meyigen o araw no kano nang am maniring si Pilato do aro a tao do Yotay am, “Cita kamo pala o panirsirngen nyo.”

Yowani 19:31

Karahan am ipanci da ji Pilato no kamanrarakehan da no tao do Yotay o kavaci da so ai da no nipadket da do jyojika a tao a kakeykai da mawakwak a kapeypakas da rana so kataotao da do jyojika. O hapan da so akman sang a vazay am raten da o kato na ngyanan no kataotao da do jyojika do ipeywalam no tao do Yotay. Ta do ikadwa na araw am makdeng a ipamaring da so kanen.

Yowani 19:42

Ikongo do omanam pa o araraw no ipeywalam da no tao do Yotay. Masngen o heseb do nipadketan da si Yeso. Am ori o to da rana pakakasai sya do dang.