Matay 27:40 - Seysyo No Tao

⁴⁰ “Ipanci mo asyo o kakava mo so rako a panaralayan a kapakatlo na araw no ipatnek mo sya. No ka manoyong a Anak ni Ama ta do to am avyay pala o kataotao mo. Peyhekas pala do jyojika.”

Matay 27:40 ပူးပေါင်းရင်းမြစ်များ

Matay 16:4

Yateywara o raraten no tao sicyaikwaya, do da kapasagpyan so aktokto da. Nyo kakzeben o kapakacita nyo so oyowyat na ni Ama ta do to. Am o akman so mina vazay ni Ama ta do to do meyngaran so Yena o macita nyo. So ikabo na rana no maharahara pa kano nang a macita nyo.” Teyka na o ciring na ni Yeso am karwan na rana sira.

Matay 26:61

“Nipanci no tao ang o kabalinas na so yata raralayan ni Ama ta do to a kapatnek na rana sya do ikatlo na araw.”

Matay 27:41

O panipanirsirngen da no mapatanatanang so nakem da si Ama ta do to a kano mangnanao no iwawalam ni Ama ta do to a kano kamanrarakehan am akman sang sira meykeykaming nya. Maniring sira am,

Matay 27:42

“Na mavyay o karwan no tao a na jyatenngi o kataotao na na avyain. No manoyong a Panirsirngen no Isedi am na ji meyhekasi do jyojika. Ta ori o anoyngan ta jya.

Matay 27:54

Macita na no panirsirngen no itaysang no Loma kano kararay na nimamzat ji Yeso o nimeykanini a kano makakaday a vazay am manyahey sira. Maniring sira am, “Yamanoyong ya Anak no Tao do to.”

Matay 4:3

Ori o nyangay ni Satan ji Yeso. Maniring jya am, “No ka manoyong a Anak no Tao do to am pancyan pala o aro a vato a kapeyvaliw na a myanpaw.”

Matay 4:6

Maniring jya am, “No ka manoyong a Anak no Tao do to am okso pala do teyrahem ito. Ta o ciring do Seysyo am, ‘Manovoy o Tao do to so tinsi na a mangay omzat jimo. So tazapyan da jimo no lima da kaji na meyzazan no ai mo do vato.’ ”

Locya 16:31

Maniring pa jya si Apolahan am, ‘Tana myan so meyvangon a tao a mangay jira a kaji da nganoyngan do ciring na ni Moyse a kano panoyonoywan na so ciring ni Ama ta do to am jyabo kapanganoyong da.’ ”

Ipaziman 11:10

Somaray o tao do teyrahem a makacita sira a nimawakwak rana. Macyazazaw sira somaray, ta nimapo do rarwa ka lamlamsoy na ni Ama ta do to o alalaw no tao do karawan.