Matay 26:56 - Seysyo No Tao

⁵⁶ Am o na todey mangononongi no aro a vazay eya am manoyong o ciring da no panoyonoywan na so ciring ni Ama ta do to do Seysyo a yatodey mangononong.” Karahan am peykarokarwan da rana si Yeso no macinanao jya a meyvwak.

Matay 26:56 ပူးပေါင်းရင်းမြစ်များ

Matay 21:42

Maniring si Yeso jira am, “Ji nyo nivilangan pa o ciring do Seysyo? Maniring am, ‘O Vato a niwalit da no mapatnek so vahay am yarana nimeyvaliw a ney makdeng na aslet no ai no vahay. So ikanoyong no vazay ni Ama ta do to a mapeyzokab.’

Matay 26:24

Akman so ciring do Seysyo, ta mangay o kawakwak da so Nipamnekan na ni Ama ta do to a tao. Am o manazang nya tao am to makasi. Apyapya rana o kaji na nimatazakan a tao do karawan.”

Matay 26:31

Makarahan am maniring si Yeso do macinanao jya am, “Sicyamahep eya am mamimin kamo a amlikolikod jyaken a peymakarwan. Ta maniring do Seysyo am ‘Wakwaken ko o mapamangan so kagling a kapeyvwak da no kagling.’

Matay 26:54

Am ji kongmana so sang o nakem ko. Ta makongo so wanjin a yatodey mangononong do ciring a yadomket do Seysyo, do keyyan no makdeng a vazay a mangay jyaken.”

Yowani 16:32

Naknakmen nyo an. Ta makeykai rana o kasyasyay nyo rana mangay do peycyavakavahayan nyo a ika yaken rana no yamaveyvow. Am ko jyaveyvow, ta macikaop jyaken si Ama.

Nimlivolivon 1:16

“Manga kakteh, nimangononong o nivatvatkan ni Tawey a nipaziman na jya no Seyzi no kakwa pa a omagaz ji Yota a nimapalolo so tao a amrakep si Yeso.

Nimlivolivon 2:23

O nakenakem na ni Ama ta do to no kakwa am hapen nyo si Yeso a itoro do marahet so nakenakem a tao a kapadket da sya do jyojika a wakwaken.

2 Timotay 4:16

No keypisa ko pa macirawarawa no kataotao ko am abwata o macikabong jyaken. Am inaoy no ji na peyyana do onowned na o raraten da ni Ama ta do to.