Matay 26:47 - Seysyo No Tao

⁴⁷ Ji pa vitos o ciring na ni Yeso am mai rana si Yota a ikararwa da so ikakarwan no macinanao jya a kapacilolo da no aro a tao a meyhavit so takzes a kano sisipzot da kayo. Sira ori am nitovoy da no panipanirsirngen da no mapatanatanang so nakem da si Ama ta do to a kano kamanrarakehan da no tao do Yotay.

Matay 26:47 ပူးပေါင်းရင်းမြစ်များ

Matay 26:14

Amyan do rarwa so ikakarwan a macinanao ji Yeso so asa ka tao a meyngaran so Yota a tao do Isecyadi. Iya rana am nimangay do panipanirsirngen da no mapatanatanang so nakem da si Ama ta do to.

Matay 26:46

Kayokay kamo na, ta mangay tamo na. Cita kamo o yamanazang nyaken a tao a yarana mai.”

Matay 26:48

Amyan so nipaziman na sira no manazang ni Yeso a tao. Maniring am, “O rapongen ko a tao am ori o rakpen nyo.”

Matay 26:55

Karahan am maniring si Yeso do aro a tao am, “Kamo mapalolo so takzes a kano sisipzot a yamrakep jyaken? Nyo patpehen yaken do manakaw a tao? Ko mangday a yamangnanao so tao do rako a panaralayan am nyo ji rakpa yaken.

Nimlivolivon 1:16

“Manga kakteh, nimangononong o nivatvatkan ni Tawey a nipaziman na jya no Seyzi no kakwa pa a omagaz ji Yota a nimapalolo so tao a amrakep si Yeso.