Matay 26:39 - Seysyo No Tao

³⁹ Omalam a meypanam am meyrorokma. Maniring do inozi na am, “Mo Ama, no si apyahen mo am ji mo norwan jyaken o yatey rako a alalaw ko. Am ji mo na mangozai o nakenakem ko, ta ahahapan mo na sya.”

Matay 26:39 ပူးပေါင်းရင်းမြစ်များ

Matay 20:22

Maniring si Yeso am, “Nyo jyatenngi o yanyo kakzeben. Manngwa, mahap nyo o rako a alalaw ko an?” Maniring sira am, “Noon, mahap namen.”

Matay 24:24

Ta amyan so tao no makwa a manci no ka si Kizisto da tao a kano malas so ipangnanao a tao. Sira rana am meyvazay sira so mapangyangyalak a vazay a ipeycyakawad da so tao. So icyakman da so sang a mapeycyakawad so nipamnekan na ni Ama ta do to a yamraralay nya tao.

Matay 26:42

Maniring do ipidwa na kangay a meynozi ni Yeso am, “Mo Ama, no ji mo amya o alalaw ko a komaro jyaken am to mo na mangozai o nakenakem mo.”

Make 13:22

Ta amyan so tao no makwa a manci no ka si Kizisto da kano malas so ipangnanao a tao. Sira rana am meyvazay sira so mapangyangyalak a vazay a ipeycyakawad da do nipamnekan na ni Ama ta do to a yamraralay nya tao.

Locya 17:16

a kapeylilitod na do tangain na ni Yeso a somaray nya jya. O tao rana ori am tao do Samadiya.

Yowani 11:41

Karahan am peylisen da o rako a veysen. Maniring si Yeso a tomangara so hanit am, “Mo Ama, ko isaray jimo an. Ta yamo na nyamizing o ciring ko.

Yowani 14:31

Am katenngan da no tao do karawan o ko kaglaw ni Ama, do yako kahap so makakaday a vazay a nipanci na jyaken ni Ama.” Meyratateng am maniring pa jira si Yeso am, “Mangay tamo na.

Yowani 18:11

Maniring si Yeso ji Pite am, “Pasoot rana o takzes mo. Mo ipanci o kaji ko ngapan so alalaw a nitoro na jyaken ni Ama ta do to?”

Yowani 5:19

Maniring pa jira si Yeso am, “To ko na macitangayan jinyo am no ko to mangozai o kataotao ko am abo mahap ko a vazay. Am ko na nimacita o vazay ni Ama. Am ori o ko to ngamooni sya peyvazain. O vazay ni Ama na am vazay no Anak na.

Yowani 5:30

“Abo angangayan ko ya no si to ko mangozai o nakenakem ko. Ko to mangozai o ciring na jyaken ni Ama ta do to a mapacici a mapeykapyapinpin so tao. So na ikanoyong no ko ahahapan sya. Ta ko ji mangozai o nakenakem ko do kataotao ko, do ko kahap so vazay no yanitomovoy jyaken.

Yowani 6:38

Ta yaken rana am ko apo do teyngato. So ko ji to mangozai do nakenakem ko. Ta ko pangozayan o nakenakem no yanitomovoy jyaken.

Nimlivolivon 10:25

Somdep si Pite am mangay si Kenaylyo do tangain na kapeylilitod na amraralay nya.

Veydipi 2:8

Na pavevehen o kataotao na a omamizing si Ama na a mahap so vazay ni Ama na a mangay a mawakwak do jyojika.

Sipolay 5:7

No keyyan na pa ni Yeso do karawan am nimlolos a mapasyasi ji Ama ta do to a mapatastas sya do kawakwakan na. So niiteng no kaoo na mapasyasi ji Ama ta do to. Ikongo do nipehbo na o kataotao na, am ori o nyamizngan na sya ni Ama ta do to so ciring na.

Ipaziman 19:10

So nipeylilitod ko do tangain na omraralay nya. Maniring jyaken am, “Ji ka akman sang an. Ta yaken rana ka nimo a kano akma moy kakteh do cinai a yamahap so nipeylimwang na ni Yeso a nanao am mamimin a lamlamsoy ni Ama ta do to. So raralayan mo ni Ama ta do to. Ta o nanao na ni Yeso Kizisto am meyyangay ori a kano nipangnanao da no panoyonoywan na ni Ama ta do to so ciring na no kakwa pa yato ngai sicyaikwaya.”