Matay 26:29 - Seysyo No Tao

²⁹ To ko na macitangayan jinyo am ji ko na ngyop so potaw cyo a mangay do araraw no ikeypirwa ko a macikaop jinyo do teyngato, no si papwen na ni Ama ta do to o katalamozong na no vayo a karawan.”

Matay 26:29 ပူးပေါင်းရင်းမြစ်များ

Matay 13:43

No si marateng rana ori am o ji meylimoteng so nakem do italamozong ni Ama ta do to am akman sira so araw a maniray. So amizngan nyo sya an, peyyanen nyo do onowned nyo ori an.

Matay 16:28

To ko na macitangayan jinyo am o tao a yatomanek do jya am amyan jira ang so makapis pa jyaken a Nipamnekan na ni Ama ta do to a tao a mai a tomalamozong no karawan, do ikamavyay da pa.”

Matay 18:20

Tana teyrararwa, teytatatlo o mapasyasi jyaken am macilovot ko jira.”

Matay 25:34

Karahan am maniring o panirsirngen do amyan do wanan na tao am, ‘Inyo rana yana nipanlanlag ni Ama am sijya kamo do italamozong na ni Ama ta do to, ta amoonen nyo o nakem na jinyo no kapangamaog na pa so karawan.

Matay 26:28

Oya rana am rala ko a nimvoyog a omaing do aro a tao a omvonas so raraten da. O rala ko rana ya am yongkad nyo do vayo a pangozayan nyo a ciring na ni Ama ta do to.

Matay 26:30

Meyyanwanood sira so asa ka anwanood a sarayan da ni Ama ta do to a kapakowbot da rana a mangay do meyngaran so Kanlan a tokon.

Matay 28:20

a kananao nyo sira a omahap so makakaday a yako ninanao jinyo. Am manakem nyo o kaji ko macisyayan jinyo a mangay do kaidan no karawan.”

Make 14:25

To ko na macitangayan jinyo am ji ko rana ngyop so potaw cyo mangay no marateng o araraw na no kapacikaop ko jinyo a omyop do teyngato, no si papwen na ni Ama ta do to o katalamozong na no vayo a karawan.”

Locya 12:32

“Inyo rana a macilolo jyaken am ji kanyo anyahey an. Ta isaray na ni Ama ta do to o katalamozong na ninyo.

Locya 15:32

Am si wari mo rana am yakmey nimawakwak a na kavyay an. Yakmey yanimabo a apzapzatan a na kapeytotwaw rana an. Am ori o ji na alasi no kasaray ta nya an.’ ”

Yowani 15:11

Nipanci ko na jinyo akman sang a vazay. So yangay na jinyo no sarasaray ko a kapeyngongyod nyo na a masaray.

Yowani 16:22

Ori an, nyo ikakman sang an. Tana kamo marahet so aktokto sicyaikwaya am cyaha, ta mai ko pa tomita jinyo a kasaray nyo a makacita jyaken. So ikabo no tao a makapehes sya jinyo so sarasaray nyo.

Yowani 17:13

“Sicyaikwaya am ko na mangay jimo. Ko na nipanci o aro a vazay eya do yako iyan pa do karawan. So ikanoyong da masaray so onowned do kapasaray ko sira.

Nimlivolivon 10:41

a kapacihanghang namen jya koman no keypirwa na mavyay. Beken a mamimin o tao a nimakacita sya, ta yamen a nipamnekan ni Ama ta do to o nimakacita sya a meylimwang nya.

Sipolay 12:2

To ta peyyononga a peyyanen do onowned ta si Yeso Kizisto. Ta iya rana am nimapapo so kapeyhanhan ta ni Ama ta do to. So ika iya na no mapeynyangavosan syaha. Ji na nikamama o jyojika do tangain na. To na nazibwan o peyleylakan da sya a wakwaken do jyojika. Ta katenngan na o kapeyvoga no sarasaray na no makwa. So na rana ilisna do wanan na ni Ama ta do to sicyaikwaya.

Ipaziman 14:3

Sira rana am meytatanek sira do sazapen no lilisnan a kano apat a ka omalalam a kano kamanrarakehan a meyyanwanood so vayo a anood. O meyyanwanood a tao am o nipasakay na do kapyapyan am yamyan so ikakapatan da ranaw so ikalima da zivo no ikadwa da latos (144,000) no tao o makateneng do anood a peyyanwanooden.

Ipaziman 7:17

Ta peyveyveknen na sira no meytatanek do sazapen no lilisnan a Kagling a kapangonong na nira yangay do atbodan no ranom a yakapwan no to meyyonong a ikavyay no pahad da. So ikanoyong ni Ama ta do to a omlinas do kaoo da.”