Matay 26:24 - Seysyo No Tao

²⁴ Akman so ciring do Seysyo, ta mangay o kawakwak da so Nipamnekan na ni Ama ta do to a tao. Am o manazang nya tao am to makasi. Apyapya rana o kaji na nimatazakan a tao do karawan.”

Matay 26:24 ပူးပေါင်းရင်းမြစ်များ

Matay 18:7

To sira makasi o tao do karawan a kalittan a meyraraten. O raraten no tao am kangay na ori. Am o tao a yapwan no kapeyraraten na am ney rako o oyaoyyan na no akman sang a tao ni Ama ta do to.

Matay 26:31

Makarahan am maniring si Yeso do macinanao jya am, “Sicyamahep eya am mamimin kamo a amlikolikod jyaken a peymakarwan. Ta maniring do Seysyo am ‘Wakwaken ko o mapamangan so kagling a kapeyvwak da no kagling.’

Matay 26:54

Am ji kongmana so sang o nakem ko. Ta makongo so wanjin a yatodey mangononong do ciring a yadomket do Seysyo, do keyyan no makdeng a vazay a mangay jyaken.”

Matay 26:56

Am o na todey mangononongi no aro a vazay eya am manoyong o ciring da no panoyonoywan na so ciring ni Ama ta do to do Seysyo a yatodey mangononong.” Karahan am peykarokarwan da rana si Yeso no macinanao jya a meyvwak.

Make 14:21

O ciring rana do Seysyo am wakwaken da o Nipamnekan na ni Ama ta do to a tao. Am o manazang nya tao am to makasi. Apyapya rana kaji na nimatazakan a tao do karawan.”

Make 9:12

Maniring si Yeso am, “Manoyong kapanmanma ni Idiya a mapeyyalalap so nakem no makaoya tao. Am ji da raralayan no tao. Am ikongo na idket do Seysyo no keyyan no rako a alalaw na no Nipamnekan na ni Ama ta do to a tao a kapeymakaro da jya no tao.

Locya 22:22

Ta to ko mangozai a Nipamnekan na ni Ama ta do to do kawakwak da jyaken. Am o manazang nyaken a tao am to makasi an.”

Locya 24:46

Maniring pa jira am, “O nivatvatkan da do Seysyo a ciriciring am amyan so alalaw ni Kizisto. Ikatlo na araw am mirwa pa mavyay.

Yowani 17:12

No kapacikaop ko pa jira am nipzatan ko sira no oyowyat mo a nitoro mo jyaken. So ikabo no asa ka tao jira nimavozaw, do kapzat ko jira. Am o manazang nyaken a tao am nidomket rana do Seysyo o kapeyparaherahet na.

Yowani 19:24

Maniring sira o itaysang no Loma do kadwan jira am, “Ji ta misipisinga. Apyapya rana o kapasipangoyongoyot ta jya makahakahap rana sya.” O ikakman na sang am mangay mangononong o ciring do Seysyo. Ta maniring am, “Da nivonong o nipeyyayob ko a da kapasipangoyongoyot do magorogod ko.” So nikanoyong no nang a mina vazay da no itaysang no Loma.

Yowani 19:28

Katenngan na rana ni Yeso o kanikomavos no makakaday a vazay na. Maniring am, “Ko mawaw.” O ikakman na sang am mangay mangononong o ciring do Seysyo.

Nimlivolivon 2:23

O nakenakem na ni Ama ta do to no kakwa am hapen nyo si Yeso a itoro do marahet so nakenakem a tao a kapadket da sya do jyojika a wakwaken.

Nimlivolivon 28:23

Meyratateng am mamnek sira so kasaraw a ipeylovolovot da so tao a omamizing so ciring ni Pawlo. Marateng rana o araraw na am aro sira o tao a nimai a omamizing so ciring ni Pawlo. Meyratateng am papwen na ni Pawlo do penzak a kangay na nya do mahep a omononong do italamozong na ni Ama ta do to a mapanod sira. Meyratateng am vilangan na o iwawalam na ni Moyse a kano vakong da no panoyonoywan na ciring ni Ama ta do to no kakwa a mapanop sira a omanoyong ji Yeso.

Nimlivolivon 4:28

Da pangononongan o mina ciring mo a omagaz do nipamnemnekan mo.

1 Kedinto 15:3

Ninanao ko na jinyo o yaney makdeng na nimahap ko ji Yeso. Ori rana am nimawakwak si Yeso no raraten ta. So na idket do Seysyo no ciring eya.