Matay 26:21 - Seysyo No Tao

²¹ Koman sira am maniring si Yeso jira am, “To ko na macitangayan jinyo am yamyan jinyo so yasa ka tao a yamanazang nyaken.”

Matay 26:21 ပူးပေါင်းရင်းမြစ်များ

Matay 26:2

“Nyo katenngan o na kadwa rana araw no yakapamaring so kanen do Iyeci. Mangay o kapanazang da no Nipamnekan na ni Ama ta do to a tao a padketen do jyojika.”

Matay 26:22

Mamizing da ori am marahet o aktokto da no macinanao jya. Am ori o nikateyteyras da manangangay nya ji Yeso. Maniring sira am, “Mo Panirsirngen, yaken ori an?”

Yowani 13:18

“Beken a ko to zagoma inyo a yapeyciringan sya, ta ko katenngan sira o yako nitenngan a tao. Am manoyong o ciring do Seysyo an. Ta maniring am, ‘O yamacihanghang jyaken a asa ka tao am yamanazang nyaken.’ So ipangononong no ciring ang.

Yowani 13:21

Iptad na o ciring na ni Yeso am meyngen o onowned na. Maniring rana am, “To ko na mancyan jinyo am yamyan jinyo so yasa ka tao a yamanazang nyaken.”

Yowani 13:22

Karahan am meysingsingkad sira o macinanao jya, do kaji da makatenngan do peycirngan na sya.

Sipolay 4:13

Abo o makatayo do tangain ni Ama ta do to. O yamakakaday do karawan a nyamaog na am yabo na jyacita so vazay. So ikamimin ta katenngan na so onowned do tangain ni Ama ta do to.

Ipaziman 2:23

Wakwaken ko sira o macihza jya tao, ipakatenngan da jyaken no tao do peycyakyokyokayan na a makateneng do onowned no tao. To ko palololwa do mina vazay nyo o itoro ko jinyo.