Matay 24:7 - Seysyo No Tao

⁷ Meyyarap sira o meytarek so iteytetngehan a kapeyyarap da no teyhesa ka mahataw. So iyan na no rako a kanini a kano abcil do karawan.

Matay 24:7 ပူးပေါင်းရင်းမြစ်များ

Locya 21:11

So iyan na no rako a kanini a kano rako abcil a kano ingingnen, kapeytotwaw na pa no ikeykanyahey no tao apo do hanit a keyyan na pa no rako a taztazmamaw.

Nimlivolivon 11:28

Amyan jira so asa ka tao a meyngaran si Acyapo. Maniring do aro a tao am, “Nipaziman na jyaken no Seyzi o keyyan no omanam a rako a abcil do karawan.” (So nipangononong no ciring na no kapeypanirsirngen da si Kelawti.)

Nimlivolivon 2:19

So iyan no ipacita ko a mapangyangyalak do hanit a kado teyrahem. Ori rana am apoy a kano rala kano rako a aob.

Sipolay 12:27

O ciring na, “Ipisa ori,” am mamimin o nyamaog na magnoz a mabalinas. O teyngato rana jyabalinas.

Ipaziman 6:12

Karahan am macita ko pa o Kagling a mapakaro so ikanem no vakong a nipadketan. No kanang am mina to meykanini. So icyakma ney mavaheng a milakayob no araw a nimahesep. O vehan rana am akma raney rala.

Ipaziman 6:5

Pakarwen na no Kagling o ikatlo no vakong a nipadketan am mamizing ko o ikatlo no omalalam a meyzezyak. Maniring am, “Sijya.” Citahen ko am macita ko o asa ka mavaheng a baka. O maoran do baka tao am meypinan o lima na so pangananngan.

Ipaziman 6:6

Akma koy todamizing o ciring da no apat a ka omalalam. Maniring am, “O nizpi no asa ka tao do kasaraw am ji dabsoyan pa do kapeykakcin no tao. Am to da meypanpani o kanen a haneng a kano saki.”

Ipaziman 6:8

Citahen ko am macita ko o baka akman rana so kakawan so keyteytawan. O maoran do baka am meyngaran ori so Kawakwakan a kapacitonton na no meyngaran so Heseb. So iyan no oyowyat da omwakwak so icyakapat no tao do karawan. Karwan da am mawakwak no arap. Karwan da am mawakwak no abcil. Karwan da am mawakwak no ingingnen a kano makakaday a kokoman so tao.