Matay 24:44 - Seysyo No Tao

⁴⁴ Am ori o ipeytataziman nyo an. Ta no ji nyo aktoktwan am makaranes ko rana a Nipamnekan na ni Ama ta do to a tao.

Matay 24:44 ပူးပေါင်းရင်းမြစ်များ

Matay 24:27

Ta no mai o Nipamnekan na ni Ama ta do to a tao am abo ji makacita sya tao akmey meycicilat a maniray.

Matay 24:42

Am ori o ipeytataziman nyo, ta ji nyo a tenngi o araraw no yai ko a Panirsirngen nyo.

Matay 24:43

Naknakmen nyo o yameykasayan. Ta no katenngan no mapeyvahay sya o araraw no yai na no manakaw a tao am jyabo kaji na nazimanan jya kaji na makasdepan no manakaw a tao.

Matay 25:10

Mangay sira manazang so abyab do pananazangan o jyapatapatak a mavakes am pakaransan na rana no mapazagpit a tao a kapacihza da rana jya somdep no lalima ka mapatapatak a mavakes a macihanghang jya kaneb da rana do pangengneban.

Matay 25:13

Maniring rana si Yeso am, “Ori an, ipeytataziman nyo an. Ta ji nyo a tenngi o araraw na no yai ko.

Locya 12:39

Naknakmen nyo o yameykasayan. Ta no katenngan no mapeyvahay sya o araraw no yai no manakaw a tao am jyabo kapakatakaw no manakaw ang.

Locya 12:40

Am ori o ipeytataziman nyo an. Ta ji nyo a tenngi o araraw no ipeysinaoli ko do teyrahem a Nipamnekan na ni Ama ta do to a tao.”

Locya 21:36

Ori o ikakdekdeng nyo pa meynozi an. Ta ori o ipakahatas nyo so yaomanam a alalaw. So ikabo no ikeykarahet nyo do tangain ko.”

Veydipi 4:5

Manakem nyo o kapangarilaw nyo so tao an. Ta yana makeykai si Yeso a yamai.

Yake 5:9

Ji nyo oyyan o kadwan jinyo, manga kakteh an, ta ioya na inyo ni Ama ta do to. So na rana ikakeykai a mai no yamapeykapyapinpin jyaten a Panirsirngen ta.

Ipaziman 19:7

Makapya ta somaray a zomwazway sya. Ta yarana makeykai o araw no kapazagzagpit no Kagling. So yana rana tazimanan jya no yasomeksek jya mavakes.