Matay 24:3 - Seysyo No Tao

³ Amyan si Yeso do tokon a meyngaran so Kanlan am mangay sira o macinanao jya a mapacici sya. Maniring sira am, “Ipanci mo pala jyamen o araraw no ipakaranes no nang. Akman so wanjin no mai ka. Akman so wanjin o pangavosan no karawan.”

Matay 24:3 ပူးပေါင်းရင်းမြစ်များ

Matay 13:36

Karwan ni Yeso o aro a tao am somdep do vahay. Maniring sira o macinanao jya am, “Pancyan pala jyamen o peypeypangayan no mo pehngehngayan so ciring mo a omagaz do tamek do nihakawan.”

Matay 13:49

Akman sang no komavos o karawan. Ta mai o aro a tinsi a mapapinpin so ji meyraraten a tao a kapapinpin da so meyraraten a tao,

Matay 15:12

Makarahan am maniring sira o macinanao ji Yeso am, “Da mamizing no tao a macyagom do Vadisay o ciring mo am sira ji makamyamya. Manngwa, mo katenngan an?”

Matay 16:27

Yaken rana a Nipamnekan na ni Ama ta do to a tao am maciralay ko do azwazway na ni Ama kano aro a tinsi a meygegcin. To ko palololwa o yazaw ko so mina vazay da jyaken no tao.

Matay 16:28

To ko na macitangayan jinyo am o tao a yatomanek do jya am amyan jira ang so makapis pa jyaken a Nipamnekan na ni Ama ta do to a tao a mai a tomalamozong no karawan, do ikamavyay da pa.”

Matay 17:19

Karahan am pacicin da si Yeso no macinanao jya. Maniring sira am, “Ikongo namen ji makavozwawi so kalamsoyan ni Satan ang.”

Matay 21:1

Masngen rana sira do Yelosaleng am mangay sira do Peyvake a ili do asa ka tokon a meyngaran so Kanlan. Nimanovoy si Yeso so rarwa ka macinanao jya manma mangay do ili.

Matay 24:27

Ta no mai o Nipamnekan na ni Ama ta do to a tao am abo ji makacita sya tao akmey meycicilat a maniray.

Matay 24:30

No si marateng ori am meytotwaw rana o tovil no Nipamnekan na ni Ama ta do to a tao a meygegcin do karawan. Amzikzik rana sira manyahey o aro a tao do karawan. Ta macita da rana yaken a Nipamnekan na ni Ama ta do to a tao a meygegcin do cinalab no rako a oyowyat ko a kano azwazway ko.

Matay 24:37

No meygegcin o Nipamnekan na ni Ama ta do to a tao am akman so cinasasaodan da da Noya no kakwa.

Matay 24:39

Ji da azyaziman o kapakaranes rana no henep. Am ori o nikabalinas da rana. Akman sang o araraw no yai ko a Nipamnekan na ni Ama ta do to a jyaziman.

Matay 24:43

Naknakmen nyo o yameykasayan. Ta no katenngan no mapeyvahay sya o araraw no yai na no manakaw a tao am jyabo kaji na nazimanan jya kaji na makasdepan no manakaw a tao.

Matay 28:20

a kananao nyo sira a omahap so makakaday a yako ninanao jinyo. Am manakem nyo o kaji ko macisyayan jinyo a mangay do kaidan no karawan.”

Locya 21:7

Maniring sira am, “Mo Mangnanao, no mango am makaranes o akman so sang a vazay. No masasnad o akman so sang a vazay am ikongo tovilan namen jya.”

Nimlivolivon 1:7

Maniring jira si Yeso am, “O akman rana sang a vazay a kano araraw na am si Ama ta do to o makateneng jya.

Sipolay 9:26

O na icyakman sang ni Yeso a yarana ji vangovangon so iwawalam no tao do Yotay a mapatanang so rala am na rana nipatanang o kataotao na abo so raraten a ivoga na so raraten no tao. So na ikeypisa ni Yeso a mangay mawakwak nyaten a kato na rana meyyonongan a mavonas rana no raraten ta.