Matay 23:8 - Seysyo No Tao

⁸ Am ji nyo akzan o kapanci da ninyo a mangnanao. Ta sira rana kadwan jinyo am akma nyoy kakteh do cinai sira. Yasa saon o yamanoyong a Sinsi nyo am.

Matay 23:8 ပူးပေါင်းရင်းမြစ်များ

Matay 10:25

O macinanao a tao am amyan so kasaraw a ipacingay da do amnanao sira. Akman sang o peylamsoin da tao, ta amyan so kasaraw a ipacikto da do mapeylamsoy sira tao. No ngaranan da o makayokod no asa ka vahay so marahet a ngaran a Peysepo am jyabo kaji da to macizagoman no macivahay jya tao a.

Matay 17:5

Ji na pa teyka ni Pite o ciring na am to ngyan so cinalab a ombengbeng sira a keyyan no ciring a maciralay do cinalab ang. Maniring am, “Iya rana am ney kaglaw ko Anak ko. So sarayan ko nya. Amizngan nyo sya.”

Matay 23:10

Malas o kapanci da ninyo a panirsirngen, ta si Kizisto o meyngongyod a Panirsirngen nyo.

Matay 23:7

Ikakza da o kararalay da nira no tao do karwarwan no tao. Ikakza da o kapanci da nira a mangnanao.

Matay 26:25

O manazang ni Yeso a tao a meyngaran so Yota am maniring am, “Mo Mangnanao, yaken ori an?” Maniring si Yeso am, “Mo na to yoyoi o na ka imo.”

Matay 26:49

Makaranes si Yota am to meytopos a mangay do tangain ni Yeso. Maniring am, “Mo Mangnanao, kokay.” Karahan am rapongen na rana si Yeso.

Make 10:51

Maniring si Yeso jya am, “Ikongo mo kakzeben jyaken.” Maniring o mavota tao am, “Mo Mangnanao, ko ikakza o yako kapakacita.”

Make 11:21

So pakanakman na ni Pite so mina vazay na ni Yeso do kayo ang. Maniring ji Yeso am, “Mo Mangnanao, cita pala o kayo a nipanircirngan mo a yarana todaoto.”

Make 14:45

Kapakaranes na ni Yota am mangay na rapongen si Yeso a manci no, “Mo Mangnanao.”

Make 9:5

Maniring si Pite ji Yeso am, “Mo Mangnanao, yata tey yapya do jya. Mamaring namen so atlo a ka sarwap an. Asa am imo a asa am si Moyse, asa am si Idiya.”

Locya 22:32

Am ko na nipeynozi imo. So ji na ablisi no nakenakem mo jyaken. No mamlis ka so nakenakem am vavagan mo sira o akma moy kakteh do cinai an.”

Yowani 1:38

Meyvazingowngaw si Yeso am to na cita o rarwa ka tao a macilolo jya. Maniring jira am, “Ikongo nyo kakzeben.” Maniring sira am, “Do wanjin o vahay mo, mo Lapi.” (O peypeypangayan no Lapi am Mangnanao so tao.)

Yowani 1:49

Maniring si Natannay am, “Mo Mangnanao, ka manoyong a Anak ni Ama ta do to a Panirsirngen no Isedi a tao.”

Yowani 11:8

Maniring o macinanao jya am, “Mo Mangnanao, no kano nang asyo am apwa agsahan da imo no veysen no tao do Yotay. Ikongo mo kakzan no mo kapeysinaoli pa do dang.”

Yowani 20:16

Maniring si Yeso am, “Mo Madiya.” Citahen na ni Madiya am sirsirngen na no izezyak da no Sipolay. Maniring am, “Laponi!” O peypeypangayan na am, “Mangnanao.”

Yowani 3:2

Ipisa kahep na am mangay ji Yeso. Maniring jya am, “Mo Mangnanao, namen katenngan imo a mangnanao a nitovoy ni Ama ta do to a yamangnanao so tao. No yabo si Ama ta do to a yasomidong jimo a meyvazay a mapatwaw so kayapo mo jya am abo tao a makapeyvazay sya.”

Yowani 3:26

Maniring sira ji Yowani am, “Mo pa manakem, mo Mangnanao, o mina kararay mo do Yotan a ayo asyo, a ipeylimwang mo so ngaran asyo? Ta iya rana am yamanaktak sicyaikwaya. Da karo no tao a yamangay komala sya.”

Yowani 4:31

Meyratateng am gacigatan da si Yeso no macinanao jya a omoran do velek na.

Yowani 6:25

Makala da si Yeso no aro a tao do katovangan no rako a meybebneng a ranom am maniring sira jya am, “Mo Mangnanao, no kango kai mo do jya.”

Yowani 9:2

Maniring sira o macinanao ji Yeso am, “Mo Mangnanao, nimeycicinda ya nimavota no kalyalikey na. Sino raraten a na kakman sang. Manngwa, kataotao na an? No inyapwan na.”

2 Kedinto 1:24

Beken a namen gacigatan inyo a manganoyong, ta yakamo na makdeng so nakem ji Ama ta do to. So namen kagagan ninyo a pacivazayan do namen kapasaray jinyo.

2 Kedinto 4:5

Beken a kataotao namen o namen ipeylimwang, ta namen ipeylimwang si Yeso Kizisto a manoyong a Panirsirngen ta. O namen sidongan jinyo am lamlamsoy na yamen ni Yeso Kizisto.

Ivoso 3:15

Sira rana o yamyan do teyngato a kano yapa amyan do teyrahem am mamimin sira akma ney anak ni Ama ta do to.

Veydimeng 1:16

Iya rana sicyakwaya am beken a lamlamsoy an. Ta iya rana am akma tey kakteh do cinai. O akman rana sang a vazay jyaken am manoyong ori an. Kakwakwan ko a imanngo rana do akman jimo. Ta inyo rana am lamlamsoy na rana inyo ni Yeso a akmey meyketeh do cinai.

Yake 3:1

Manga kakteh, ji nyo ngakdaya o kamimin nyo a mangnanao. Ta o mangnanao so tao am arakorako pa o oyyan na nira ni Ama ta do to, no si meyraraten sira, kano ji mangnanao a tao.

1 Pite 5:3

Taosya o kapeymetdeh nyo so nitoro na jinyo ni Ama ta do to a yaponged nyo a akma ney kagling. Ta peycitacittan da o apiya vazay nyo nira.

Ipaziman 1:9

Yaken rana am si Yowani ko a akma nyoy kakteh do cinai. Ta yata akmey asaha do tangain ni Yeso. So yako ipacizanod jinyo a yaji macizizikna do alalaw nyo, do yana katalamozongan nyaten ni Ama ta do to. Niplin da yaken do alikey a pongso a meyngaran so Patemo do kapeylimwang ko no ciriciring na ni Ama ta do to a kano nanao a nipatwaw ni Yeso Kizisto.

Ipaziman 19:10

So nipeylilitod ko do tangain na omraralay nya. Maniring jyaken am, “Ji ka akman sang an. Ta yaken rana ka nimo a kano akma moy kakteh do cinai a yamahap so nipeylimwang na ni Yeso a nanao am mamimin a lamlamsoy ni Ama ta do to. So raralayan mo ni Ama ta do to. Ta o nanao na ni Yeso Kizisto am meyyangay ori a kano nipangnanao da no panoyonoywan na ni Ama ta do to so ciring na no kakwa pa yato ngai sicyaikwaya.”

Ipaziman 22:9

Am maniring jyaken am, “Ji ka akman sang. Ta yaken rana ka nimo a kano akma moy kakteh do cinai a yana panoyonoywan so ciring a kano yamangozay do ciring do vakong eya am to meyyangangay a lamlamsoy na. So ikapyapya na pa ni Ama ta do to a iraralay mo.”