Matay 22:8 - Seysyo No Tao

⁸ Meyratateng am maniring do lamlamsoy na am, ‘Ko rana nipeypanam o kanekanen am sira rana o yaney manma ko nipanoyon a tao am abo nakenakem ko rana sira a mangay a koman.

Matay 22:8 ပူးပေါင်းရင်းမြစ်များ

Matay 22:7

Mamizing no panirsirngen am nimakapya meyoyaoya. Am ori o nipanovoy na so itaysang a mangay a omwakwak so nimwakwak so lamlamsoy na tao a kasleb da so ili da.

Matay 22:9

Inyo rana am mangay kamo sicyaikwaya do rako a rarahan a o masazisazi nyo na a aro a tao o rarahen nyo.’

Matay 9:15

Maniring si Yeso am, “No mamaring so kanen o mahakay a matarek so vahay a tao am manngwa, amlavi sira o nipanoyon na tao? Jyabo kakman da sang a. Am no marateng o araraw no irakep da so mahakay ang am manoyong rana o kaji da mangakadayan, do kasinalaw da nya.

Locya 20:35

O tao a peyvangonen ni Ama ta do to no makwa a mangay do teyngato am ji sira meypinazagpit an.

Locya 21:36

Ori o ikakdekdeng nyo pa meynozi an. Ta ori o ipakahatas nyo so yaomanam a alalaw. So ikabo no ikeykarahet nyo do tangain ko.”

Nimlivolivon 13:46

Am ikakdekdeng ni Pawlo a kani Parnapo a meyzezyak a omnanao sira. Maniring sira am, “O ciriciring na ni Ama ta do to am nimanma kamo a peylimwangan nya. Am nyo kaji nganoyngan jya. Nyo to nazibwan o na kapanta ninyo ni Ama ta do to so to meyyonong a ikavyay no pahad nyo. Am ori o namen karwan rana jinyo a mangay do beken a tao do Yotay.

2 Tesalonicya 1:5

So ikanoyong na no akman so sya a yongkad na no kaji na oyyan ninyo ni Ama ta do to. Ta o nakenakem na jinyo am macikasaray kamo jya do kanoyong nyo rana macikaop do italamozong na ni Ama ta do to.

Ipaziman 22:14

“O manownaw rana so onowned a tao am tey yapya sira. Ta sira rana am sira o apya koman so asi no kayo a yapwan no to meyyonong a ikavyay no pahad. So ika sira da no somdep do pazezevngen no ili.

Ipaziman 3:4

Am yapa myan do Satise so yatatasa ka tao a yaji meylimoteng so onowned a yakman so ayob a manownaw. So ikanoyong da pehzahen ko jyaken do da katey yapya so nakenakem do tangain ko.