Matay 22:5 - Seysyo No Tao

⁵ Am to da nazibwan no nitaidan na tao, do kasanga da no vazay da. O asa am nimangay do nihakawan na. O asa am nimangay a tomita so pananazangan na.

Matay 22:5 ပူးပေါင်းရင်းမြစ်များ

Matay 13:22

O nizomsi do katamtamkan am katonodan no tao a omamizing so nanao ni Ama ta do to. Am masanga no vazay na do karawan a kalita jya no peymeymasaodan na. Am ori o ikabengbeng no ciring na ni Ama ta do to do onowned na.

Matay 22:4

Ji makamyamya am manovoy pa so lamlamsoy na mangay a tomirara pa sira do kanimapeypanam na rana so kanekanen do kateyka da rana nimariparing so nyahap da vinyay da. Am ori o pabezbezan na sira mai.

Matay 22:6

O karwan da nitaidan na am rakpen da sira o lamlamsoy no panirsirngen a kapakakasi da sira wakwaken.

Yowani 2:16

Maniring do manazang no hato a tao am, “Powbot kamo na o nyo ipanazang. Ji kamo todey meypananazangan do yararalayan ni Ama a vahay.”

Nimlivolivon 2:13

Am amyan jira so maming nira manci no, “Yamasaki sira ori.”

Nimlivolivon 24:25

Karahan am ononongan na rana ni Pawlo jira a meyyaven do vahay o kapiya no icicirawat a omzat do onowned mangay do ikarateng no araraw na no ipeykapyapinpin na so tao ni Ama ta do to. Mamizing na ori ni Veydise am manyahey rana o onowned na. Maniring ji Pawlo am, “Angay rana. No ipanci ko imo am mai ka.”

Loma 2:4

Manngwa, mo jyatenngi o pangangarilawan na ni Ama ta do to a yameypalanginan nimo a yamamlis? Am yamo kato nazibwan no rako a pangangasyan na yamvonas so raraten mo, do yana kakzeb jimo a yamamlis so onowned.

Loma 8:6

O italamozong no adan na onowned a tao am mangay do kararatan. O italamozong no Seyzi am mahap da o ikapiya no onowned da kano to meyyonong a ikavyay no pahad da.

2 Timotay 3:4

Ipacinginangina da o icyatatao da. Ji da naknakma o apiya ahapan da so vazay da. O ahapen da am mapakazwazway sira. Maharahara pa o sarasaray da so makakaday a vazay da a kani Ama ta do to.

Sipolay 2:3

No yamanoyong o akman sang am no si to ta nazibwan si Ama ta do to a mapatazadang jyaten do teyngato am makongo ta tomayo no peyoyaoyyan na ni Ama ta do to. Ta nipeylimwang na rana jyaten ni Yeso a Panirsirngen ta o kavyay na jyaten ni Ama ta do to. So nipancyan da rana nya jyaten no nimakamizing sya tao.

2 Pite 2:3

Sira rana malas so ipangnanao a tao am mangamaog sira so ciriciring a ipeylimwang da ipangap da so apzapzatan no tao a ikadpeh jira. So iyan na rana no kakwa no oyyan na nira ni Ama ta do to. So ikanoyong da rana ji rana makasaway do pasingsingtan na jira ni Ama ta do to.