Matay 22:40 - Seysyo No Tao

⁴⁰ Yatodamimin o iwawalam ni Moyse a kano nanao no panoyonoywan na so ciring ni Ama ta do to a yamangozay do yameykadwa a nanao ang.”

Matay 22:40 ပူးပေါင်းရင်းမြစ်များ

Matay 7:12

No si kakzeben nyo o kapya da so nakem jinyo no icyatatao nyo am akman kamo sang so nakem jira. Ta ori o na agagazan no nivatvatkan ni Moyse a kano panoyonoywan na so ciring ni Ama ta do to.

Yowani 1:17

O iwawalam na ni Ama ta do to o nipangnanao na ni Moyse a onotan ta. Am o pangangarilawan na kano manoyong a nanao na ni Ama ta do to am ori o nyai na ni Yeso Kizisto do tao do karawan.

Loma 13:9

Ta o ciring a, “Ji mangzakza. Ji manwakwak. Ji manakaw. Ji mangagom,” a kano yamakakaday pa a iwawalam na am na to zaksa ori no yasa ka ciring. O ciring ori am, “O aryarilaw mo so kataotao mo am akman sang o karilawan mo no icyatatao mo.”

Cyalatay 5:14

Ta yana to zagoma no pangangarilawan o iwawalam na ni Moyse. Ta si ahapen ta o ciring do Seysyo a manci no, “O aryarilaw mo so kataotao mo am akman sang o karilawan mo no icyatatao mo,” am nimahap ta rana o iwawalam ni Moyse.

1 Timotay 1:5

O agagazan no akman sang a ciriciring ko am ko kakzeben o kapakateneng da do pangangasyan da so tao apo do ji meylimoteng a onowned da a manoyong a meyhanhan ni Ama ta do to. So ikabo na no vazay da a somala do nakenakem da.

Yake 2:8

No si manoyong kamo a mangozay do ciring do Seysyo am, “To mo mangozai o aryarilaw mo so kataotao mo a marilaw no icyatatao mo.” Ta ori rana am ney makdeng na a iwawalam na ni Ama ta do to. No si peyvazain nyo ori am manoyong kamo na so ahahapan sya.