Matay 22:17 - Seysyo No Tao

¹⁷ Pancyan pala jyamen o mo ahahapan sya. Manngwa, apya do iwawalam ta o katoro so deyking ji Kaysa panirsirngen no Loma an?”

Matay 22:17 ပူးပေါင်းရင်းမြစ်များ

Matay 17:25

Maniring si Pite jira am, “Ta ji na noroi.” Somdep do vahay si Pite am panmahen na pacicin ni Yeso. Maniring jya am, “Mo Simong, sino o pangangapan no panirsirngen do karawan so deyking. Mangap do anak na? No mangap do karwan no tao. Manngo ka dang.”

Matay 22:18

To na rana tenngi ni Yeso o keyleylamdam da sya. Am ori o nipancyan na no, “Inyo rana yatanwasiwasi a tao am ikongo nyo ileylamdaman jyaken.

Locya 2:1

No kano nang am amyan so ciring na no panirsirngen da no Loma a meyngaran si Kaysa Awkoseto. Maniring am, “Inyo rana ko italamozong a tao do Loma am mamimin kamo a mangay a mapadket so ngaran nyo.”

Locya 20:22

Ipanci mo pala jyamen do iwawalam ta. Apya o katoro namen so deyking do panirsirngen no Loma a meyngaran so Kaysa?”

Locya 3:1

Ikalima na so icyarwa na (15) no awawan na no kapeypanirsirngen da sya no Loma tao so meyngaran si Tipilyo am panirsirngen da si Pangsyo Pilato do Yotay a kapeypanirsirngen da do Cyadidi si Helote. O kakteh ni Helote a meyngaran si Veydipo am panirsirngen da do Itodiya kado Telakeni. O meyngaran si Disaniya am panirsirngen da do Apidini.

Nimlivolivon 17:7

Si Yeson am nipeysan na sira do vahay na. So nikamimin da ji nimahap so ciring na ni Kaysa. Ta maniring sira am yamyan so yasa ka panirsirngen a meyngaran si Yeso.”

Nimlivolivon 25:8

So nitovisan na jira ni Pawlo. Maniring am, “Yabo o ko mina vazay a yamacisala do iwawalam namen a tao do Yotay. Ko jya niraherahet o rako a panaralayan namen do Yelosaleng a kano rako a panirsirngen ta do Loma.”

Nimlivolivon 28:22

Am pancyan pala jyamen, ta namen katenngan inyo a yamraralay ni Yeso a da pacioyyan no aro a tao do peycyeylilyan na.”

Nimlivolivon 5:37

Meyratateng am amyan so asa ka tao do Cyadidi a meyngaran so Yota. No kano nang am ahapen no seyvo o vilavilang no tao do peycyeylilyan na. Aro nilittan na tao a macihza jya. Am wakwaken da am to sira na meyvwak o macilocilolo jya tao.