Matay 22:11 - Seysyo No Tao

¹¹ “Makowbot o panirsirngen a amrapong so nitaidan na tao am macita na o jya nimanglit a tao.

Matay 22:11 ပူးပေါင်းရင်းမြစ်များ

Matay 13:30

To nyo macipanadngi a mamno. Cyaha, ta no langin ko na am ipanci ko do lamlamsoy ko o kapanma da so tamek a botboten a kapeykabedbed da sya asleben. O mogi am ahapen da a mangay a sokzen do panonokzan ko.’ ”

Matay 22:10

Meyratateng am mangay rana o lamlamsoy na do rako a rarahan a kacirara da so masazi da tao. Tana apya so nakenakem a tana marahet so nakenakem a tao am miminen da sira ipanci a mai a karo da no tao a nimai a koman.

Matay 3:12

Yamyan do lima na so ipaninigi. So cigyan na so kadai a kapangay na so pipya kadai do peyvokavokan, kasleb na so ata na do jyahesep a lila no apoy.”

Loma 13:14

Ahapen nyo si Yeso Kizisto a Panirsirngen ta, akma nyoy voovoo a ipzat nyo do onowned nyo. Ji nyo to mamyapyan o kapeyraraten nyo. So ingtwan nyo do kataotao nyo.

Loma 3:22

Si ipeyhanhan ta si Yeso Kizisto am abneken na rana yaten ni Ama ta do to a abo so raraten do tangain na. So ipeyyangangay na no nang a itoro na do meyhanhan nya tao.

1 Kedinto 4:5

Am ori an, ji nyo manamwaji so tao do ji na pa makaranesi no yai ni Kizisto. Ta si ipirwa mai si Yeso am ori o ipeytotwaw na rana no makakaday a nitayo a vazay a kano amyan do onowned no tao. No marateng rana ori am mamimin o tao a makahap so itoro na jira ni Ama ta do to a sarasaray da. Am palololwen na do mina vazay da.

2 Kedinto 5:3

no marateng o araraw no kapanta na nyaten so vayo a kataotao ta am beken a todaveyvow a pahad ta, ta macyangay dang o vayo a kataotao ta.

Cyalatay 3:27

Inyo rana am kamo rana a nimamlis so onowned a nitaktakan rana a yarana macikaop ji Kizisto a ominara so icicirawat na.

Ivoso 4:24

Pangozayan nyo o avayo a onowned nyo a kano icicirawat nyo a mapatwaw so apiya nakenakem na ni Ama ta do to.

Ipaziman 16:15

“Amizngen nyo an. No mai ko am akma koy manakaw a ji mapaziman a mai. O meytataziman a tao am tey yapya o akman sang, ta nyayoban na rana o kataotao na. So ji na rana macimasesneki no kataotao na do tangain no tao.”

Ipaziman 19:8

Na rana nipanta ni Ama ta do to so malavang a ayob na.” (O peypeypangayan no malavang a ayob ori am kapyapya no vazay da no omanop ji Ama ta do to a tao.)

Ipaziman 2:23

Wakwaken ko sira o macihza jya tao, ipakatenngan da jyaken no tao do peycyakyokyokayan na a makateneng do onowned no tao. To ko palololwa do mina vazay nyo o itoro ko jinyo.

Ipaziman 3:18

Am ori o ko pancyan ninyo a manazang jyaken so ovay a keynakem nyo na, a kapanazang nyo so malavang a ayob nyo a payoben nyo do kataotao nyo kaji nyo a nasnekan, a kapanazang nyo so kosozi a ilinas nyo do mata nyo a kapakacita nyo na.