Matay 21:5 - Seysyo No Tao

⁵ “Si maniring kamo do tao do Yelosaleng am, Cita kamo o Panirsirngen nyo a mai. Iya rana am na ji pakaranga o kataotao na a omavang do anak no baka.”

Matay 21:5 ပူးပေါင်းရင်းမြစ်များ

Matay 11:29

Ahapen nyo o vazay ko. Inarahen nyo yaken. Ta o nakenakem ko am mapanadnad so nakem a ji makazyazyak. No si akman kamo sang am manoyong kamo a keyhepawan so kataotao.

Matay 2:2

Maniring sira am, “Wanjin jya o nimatazak a tao a panirsirngen no tao do Yotay. Ta namen nimacita o mata no hanit do daddan no araw a yongkad no kanimatazak na rana. Ori o namen nyai a yaomraralay nya.”

Matay 2:6

‘Inyo rana tao a meyvahay do Podiheng a macinapnap do Yotay am tana ney likey na o ili nyo am ney manhama kamo a tao. Ta amyan jinyo so asa ka tao a makayokod ninyo a Isedi a tao.’ ”

Matay 21:6

So to da mangozai do ciring ni Yeso no rarwa ka macinanao jya.

Locya 24:27

Meyratateng am pangozayan na o nivatvatkan ni Moyse a kano panoyonoywan na so ciring ni Ama ta do to a kaononong na rana do mina ciring da sya do Seysyo a omagaz do kataotao na.

Yowani 1:49

Maniring si Natannay am, “Mo Mangnanao, ka manoyong a Anak ni Ama ta do to a Panirsirngen no Isedi a tao.”

2 Kedinto 10:1

Yaken rana am si Pawlo ko a yamvavaga jinyo. No kamo maniring am, “Ka apiya so ciring no ka macikaop jyamen. No ka ji macikaop jyamen am mo ji ngeypeypepzaci yamen do teygami mo,” kwan nyo yaken. Am sicyaikwa rana ya am ko na hapen o kapyapya na ni Kizisto a yamapasyasi jinyo.