Matay 20:34 - Seysyo No Tao

³⁴ Ikarilaw na sira ni Yeso. Am ori o nipinanan na do mata da. Karahan am jya nimeyyahahay sira nimakacita a kapacihza da rana ji Yeso.

Matay 20:34 ပူးပေါင်းရင်းမြစ်များ

Matay 14:14

Makaranes si Yeso do pamsan na am macita na o aro a tao. So nikarilawan na nira. Am ori o niwakwakan na do ingingnen da no meyngen a tao.

Matay 15:32

Rarahen na ni Yeso sira o macinanao jya. Maniring jira am, “Ko ikabo sira no nakem o aro a tao, do da kapakatlo araw rana do jya. So nikabo rana no kanen da sicyaikwaya. Am ko ji mamyapyan sira meykakcin a omrateng do vahay da, do ko kahawa nira kalingongawan do rarahan a makcin.”

Matay 20:33

Maniring sira am, “Mo Panirsirngen, sidongen mo pa yamen do mata namen a kapakacita namen rana.”

Matay 21:1

Masngen rana sira do Yelosaleng am mangay sira do Peyvake a ili do asa ka tokon a meyngaran so Kanlan. Nimanovoy si Yeso so rarwa ka macinanao jya manma mangay do ili.

Matay 8:15

Parapongen ni Yeso o lima na jya am ji na rana nipaingwat. So nipeyvangon na rana a tomaotao si Yeso.

Matay 9:29

Meyratateng am pinanan ni Yeso o mata da. Maniring jira am, “To ko mangozai o nakenakem nyo jyaken a omiwakwak jinyo.”

Matay 9:36

Macita ni Yeso o aro a tao am ikarilaw na sira. Ta akmey minaminasbang sira abo so marilaw nira. Akman so kagling a abo so omonong jira a tao.

Make 7:33

Makarahan am rarahen na do aro a tao a kapasyay na sya jira a kapasdep na so tanoro na do talinga na a kapeycicipa na kapalinas na sya do lila no tao ang,

Locya 18:43

So to na rana makacitai no tao. Meyratateng am macilolo rana ji Yeso, kasaray na nya ji Ama ta do to do pangonongan na. Macita da no aro a tao o vazay ori am abo ji naray nya ji Ama ta do to.

Locya 22:51

Maniring si Yeso am, “Ji mo macilimanan nyaken.” Meyratateng am pinanan na o talinga no tao ori am apya rana.

Locya 7:13

Macita na ni Yeso o vao a mavakes amlavi so onowned. Am ori o nikasyan na nya. Maniring jya am, “Ji ka lavi an.”

Nimlivolivon 26:18

Ko tovoin imo a omiwang do mata da kapakacita da rana so kazngangan a komaro do vazay ni Satan a omanoyong rana ji Ama ta do to. So ikanoyong da rana mavonas so raraten a macikaop do amraralay nyaken a tao,’ kwan na yaken ni Yeso.

Sipolay 2:17

O peypeypangayan no kapeyngongyod na tao ni Yeso Kizisto am amyan rana so peyneynaran na sya do alalaw no tao do karawan a kapakateneng na rana do ahahapan na sya a marilaw nyaten a mapasyasi nyaten ji Ama ta do to, do ka iya na no ney manhama na mapatanatanang nyaten so nakem ta ji Ama ta do to. Am ori o ikanoyong ta na nivonas na rana ni Ama ta do to so raraten.

1 Pite 3:8

Ko pakoyokoin jinyo am akma kamoy asa so ahahapan sya masicyakarilaw. Akman so aryarilaw nyo so kakteh nyo o karilawan nyo no akma nyoy kakteh do cinai. Makapiya kamo so nakem do kadwan jinyo. Masicyakanig kamo.