Matay 2:6 - Seysyo No Tao

⁶ ‘Inyo rana tao a meyvahay do Podiheng a macinapnap do Yotay am tana ney likey na o ili nyo am ney manhama kamo a tao. Ta amyan jinyo so asa ka tao a makayokod ninyo a Isedi a tao.’ ”

Matay 2:6 ပူးပေါင်းရင်းမြစ်များ

Matay 2:1

No kapeypanirsirngen da pa si Helote am matazak a tao si Yeso do Podiheng a ili do Yotay. O manitanita rana so mata no hanit a nimapo do teyhesa ka ili am mangay sira do Yelosaleng.

Matay 28:18

Omasngen jira si Yeso am maniring jira am, “Na rana nimimin ni Ama ta do to o oyowyat do teyngato a kado teyrahem a yanitoro jyaken.

Yowani 21:16

Ipidwa na pacicin am, “Imo rana mo Simong a anak ni Yowani am manngwa, yamo ikaglaw yaken an?” Maniring si Simong am, “Noon. Mo katenngan yaken a yatey maglaw nimo.” Maniring jya si Yeso am, “Peyveyveknen mo o omanoyong jyaken a tao a akma koy kagling.”

Yowani 7:42

Ta maniring do Seysyo am macikownongan ji Tawey o Misayya. Am mangay malikey do mina ili na ni Tawey a meyngaran so Podiheng.”

Ivoso 1:22

Abo ji na nalamozongan ni Kizisto do karawan. Ta iya o yameymatmatngeh nyaten a omanoyong jya tao.

Kelosi 1:18

Yaten rana a yamraralay nya am akma ney kataotao yaten ni Yeso Kizisto. So ika iya na no yameymatmatngeh nyaten. Iya o na yapwan no to meyyonong a ikavyay no pahad ta. Iya am Anak na ni Ama ta do to a nimirwa mavyay. So ika iya na no ney manokdwan na do karawan.

Ipaziman 11:15

Avyotan no ikapapito no tinsi am amyan so macyak a ciring do teyngato. Maniring am, “Oyowyat a yatomalamozong no karawan am yamonganay do Panirsirngen ta kani Kizisto a nipamnekan na a yatomalamozong nya a mangay do kaidan no karawan.”

Ipaziman 2:27

O itoro ko jira oyowyat am akman so oyowyat a nitoro na jyaken ni Ama. So icyakma dey vahalang to makaspi so vahanga a tomalamozong no karawan.

Ipaziman 7:17

Ta peyveyveknen na sira no meytatanek do sazapen no lilisnan a Kagling a kapangonong na nira yangay do atbodan no ranom a yakapwan no to meyyonong a ikavyay no pahad da. So ikanoyong ni Ama ta do to a omlinas do kaoo da.”