Matay 2:3 - Seysyo No Tao

³ Mamizing na no panirsirngen a meyngaran si Helote am marahet o onowned na. Akman sang sira o tao do Yelosaleng a mamogaw.

Matay 2:3 ပူးပေါင်းရင်းမြစ်များ

Matay 2:2

Maniring sira am, “Wanjin jya o nimatazak a tao a panirsirngen no tao do Yotay. Ta namen nimacita o mata no hanit do daddan no araw a yongkad no kanimatazak na rana. Ori o namen nyai a yaomraralay nya.”

Matay 2:4

Makarahan am lovoten na ni Helote o panipanirsirngen no mapatanatanang so nakem da si Ama ta do to a kano mangnanao no iwawalam na ni Ama ta do to. Maniring jira am, “Do wanjin o na katazakan no Misayya a ipanci da no panoyonoywan na so ciring ni Ama ta do to no kakwa.”

Matay 23:37

“Inyo rana tao do Yelosaleng am nyo niwakwak o panoyonoywan na so ciring ni Ama ta do to a nyo kabhebhes jira wakwaken so yana nitovoy jinyo ni Ama ta do to a lamlamsoy na. Ko ikakza o kapahawa ko jinyo do kanginanawan nyo, akman so manok a komalopkop so ananak na no panid na. Am nyo jyakzan.

Matay 24:6

Makamizing kamo na do katangked no ili nyo so meyyarap a kapakamizing nyo do marai a ili so meyyarap. No si manoyong o kakman na so sang am ji kamo anyahey, ta kangay na no akman sang a vazay. Am beken a pangavosan na ori no karawan.

Matay 8:29

Macita da si Yeso am amlololos sira. Maniring sira am, “Imo rana Anak no Tao do to am ikongo mo gogadan nyamen. Ori o mo nikasabsab a mai am mo pasingsingtan yamen?”

Make 13:7

No mamizing nyo o meyyarap do livolivon no pongso nyo am ji kamo anyahey. Ta amyan so akman sang a vazay. Am beken a kavosan na ori no karawan.

Nimlivolivon 4:2

Meyoyaoya sira makamizing sya, ta ipangnanao da Pite a kani Yowani o kanimirwa na mavyay ni Yeso. Ta si Yeso am yongkad no kanoyong no nimawakwak rana tao a mirwa a mavyay.