Matay 2:16 - Seysyo No Tao

¹⁶ Katenngan ni Helote o kanimlita da jya no manitanita so mata no hanit am meyoyaoya. Am ori o nipanovoy na so itaysang a mangay omwakwak so anak da mahakay a mablit rana adwa so kakawakawan a kano jyablit pa so ikadwa so kakawakawan a minalikey do Podiheng a kado peycyeylilyan na, do gazagazan na so araraw no nipakacittan da so mata no hanit.

Matay 2:16 ပူးပေါင်းရင်းမြစ်များ

Matay 2:1

No kapeypanirsirngen da pa si Helote am matazak a tao si Yeso do Podiheng a ili do Yotay. O manitanita rana so mata no hanit a nimapo do teyhesa ka ili am mangay sira do Yelosaleng.

Matay 2:17

O icyakman na sang am todey mangononong o mina ciring no panoyonoywan na so ciring ni Ama ta do to a meyngaran so Yedimi. Ta maniring am,

Matay 2:7

Makarahan am lovoten na ni Helote a panirsirngen o manitanita so mata no hanit a tao a kapanahes na nya jira so araraw na no nipeytotwaw no mata no hanit ang.

Ipaziman 12:4

O ipos na am kowkowen na o icyakatlo no mata no hanit a papispisen do teyrahem a kapeytatanek na do tangain no mavakes a tod na ji ngyan do vahay a mapananala so katazak na tao no kanakan a kapacyop na sya a kanen.

Ipaziman 17:6

Karahan am macita ko o mavakes a masaki no rala no omanop ji Ama ta do to a tao a kano rala da no niwakwak da a nimeylimwang ni Yeso a tao. Macita ko am ikalak ko.