Matay 2:12 - Seysyo No Tao

¹² Meysinaoli sira o manitanita so mata no hanit a tao am patareken na o rarahan da ni Ama ta do to, do kanimapatateynep na jira a jyangay ji Helote a panirsirngen.

Matay 2:12 ပူးပေါင်းရင်းမြစ်များ

Matay 1:20

Naknakmen na o akman sang a vazay am mangay na patateynepan no tinsi ni Ama ta do to. Maniring am, “Mo Yoseyvo a sivovoong ni Tawey, ji ka nyahey. Ta ahapen mo si Madiya kataned mo do vahay. Ta o na alavaten am yapo do Seyzi na ni Ama ta do to.

Matay 2:13

Mangay rana sira am patateynepan na si Yoseyvo no tinsi ni Ama ta do to. Maniring jya am, “Peyvangon rana kangay mo nira meyina a somazok do Ayci, kato nyo ngyanan dang a meyvahay mangay no ipanci ko na inyo a komaro do dang. Ta si Helote am na kalahen o kanakan a yawakwaken.”

Matay 2:19

Mawakwak si Helote am patateynepan no tinsi ni Ama ta do to si Yoseyvo do Ayci.

Matay 2:22

Ikongo do nimamizing na o anak ni Helote a meyngaran so Acilaw a omlit do ama na a panirsirngen no Yotay, am ori o ji na nimangai do Isedi. Am ori o nipatateynepan na pa ji Yoseyvo ni Ama ta do to. So nipananawan na no angayan da. Ori o nyangay da tomayo do Cyadidi.

Matay 27:19

Pacicin ni Pilato am manovoy o mavakes na so tao a mangay manci nya jya so kaji na manaptan do abo so kararatan a tao, ta tey manganyahey o tatateynep na.

Locya 2:26

Nipanta na no Seyzi si Simoyang so ipakateneng na do kapakapis na pa so tovoin na ni Ama ta do to a Kizisto.

Nimlivolivon 10:22

Maniring sira am, “Na nitovoy yamen ni Kenaylyo a panirsirngen da no asa lipenpenan a itaysang do Itadi. Iya rana am na iraralay si Ama ta do to. Da ikanig no tao do Yotay, ta tey yapya o nakenakem na so tao. Nipaziman na rana jya no asa ka tinsi o kai mo do vahay na. Ta amizngen na o inanao mo sya.”

Nimlivolivon 4:19

Am maniring si Pite a kani Yowani am, “Do tangain ni Ama ta do to am amizngen namen o ciring nyo an? Ano amizngen namen o ciring ni Ama ta do to. Naknakmen nyo pala.

Nimlivolivon 5:29

Maniring si Pite a kano kararay na nipamnekan ni Yeso a omlivolivon no ciriciring na am, “Jyabo kaji namen ngamizngan si Ama ta do to a. Ta amizngan namen so tao.

1 Kedinto 3:19

Ta o ipanci no tao do karawan a mateneng am ipanci na ni Ama ta do to a jyateneng a tao. Akman so ciring do Seysyo. Maniring am, “O mateneng a tao am kalittan sira no teneng da kaji na mangononongan no vazay da.”

Sipolay 11:7

Si Noya rana am tana ji na pa nimacita o vazay am nyamizing na o nipaziman na sya ni Ama ta do to, do kapeyhanhan na ni Ama ta do to. Ori o nipamaring na so rako a avang. Ori o nikapya da asa ka vahay do henep, do katey rako no raraten no tao do karawan. So nikanoyong ni Noya a nibnek na ni Ama ta do to abo so raraten do tangain na, ta nipeyhanhan na si Ama ta do to.

Sipolay 8:5

O vazay na no mapatanatanang so nakem no tao ji Ama ta do to do teyrahem am akmey avwavong no meyngongyod a vazay do teyngato. Ta ninara da o vazay do panaralayan do teyngato. O ipakateneng ta do akman sang am yamyan do Seysyo o nipanci na ni Ama ta do to ji Moyse no kapangamaog na so raralayan da ni Ama ta do to. Maniring jya si Ama ta do to am, “Naknakmen mo an. Ta to mo peynara o panaralayan a nipacita ko jimo do tokon so kamamaogan a paringen.”