Matay 19:9 - Seysyo No Tao

⁹ To ko na macitangayan jinyo am no ji da panadnada inyo no kataned nyo do vahay a mavakes am ori o ikakman nyo so sang. Am no abo a kato nyo pakarwan so kataned nyo do vahay a kangay nyo pa mapasakay so asa ka tao am raraten nyo rana ori.”

Matay 19:9 ပူးပေါင်းရင်းမြစ်များ

Matay 19:10

Maniring o macinanao jya am, “No yakman sang o yahahapan sya no meyyaven do vahay am apyapya rana o kaji mapasakayan.”

Matay 19:8

Maniring si Yeso am, “Nipya ni Moyse sira o ineynapo nyo a yamapakaro so katovong da do vahay. Am o na nipyan sira am sira akman jinyo a tey rahet, jya pasovoy a tao. Ta no ka ori pa so kapangamaog ni Ama ta do to so karawan am jya nimakman so sang.

Matay 5:32

Am to ko na macitangayan jinyo am no amyan so ji na nimapanadnaji jimo no mavakes mo am ori o ipakaro mo sya. Am no abo am marahet o kato mapakarwan so kadwan do vahay. Ta no si mirwa a macivahavahay o mavakes am akmey nipya na o mavakes a mapasagpyan so kataotao na. O mapazagpit rana so akman sang a mavakes a tao am raraten na ori.

Locya 16:18

“O mapakaro so kahanghangan na mavakes a kapapapen na pa so karwan no tao am raraten na ori. O mapapapen so nipakaro da mavakes am raraten na ori.”

1 Kedinto 5:1

Yamanoyong o kanimakamizing ko so keyyan na jinyo no mapasagpyan so kataotao na. O akman rana sang a vazay am ji da mya no ji manaralay a tao. O nimamizing ko am amyan so tao a mapasagpyan so nakenakem na do kaminan na.

1 Kedinto 7:39

O nimacivahavahay rana mavakes am ji neksek do tao do iyan na pa no kahanghangan na do karawan. Am no mawakwak rana o mahakay na am apya o kapirwa na pa so kapacivahavahay na. Am ney yapiya na kangay na someksek do manaralay a tao.

1 Kedinto 7:4

Ta o kataotao no mavakes am italamozong no mahakay na. Akman sang o kataotao na no mahakay na, ta italamozong na no mavakes na.