Matay 18:3 - Seysyo No Tao

³ Maniring si Yeso am, “To ko na macitangayan jinyo am no si mamlis kamo akman so kanakan eya am ori o ipacikaop nyo do tao a italamozong na ni Ama ta do to.

Matay 18:3 ပူးပေါင်းရင်းမြစ်များ

Matay 13:15

Ta tey masalit o onowned da no tao eya. O cicilwan da am yakacilcilan. O mata da am yameyreket. Ta no sira macipayok so onowned am makacita o mata da. Makamizing o cicilwan da. Makazazap da no onowned a kapeysinaoli da rana jyaken. Ta ori o ipatazadang ko sira do teyngato.’

Matay 18:2

Karahan am manara si Yeso so asa ka kanakan a kapatanek na sya do tangain da.

Matay 18:4

O akman so kanakan eya ji makazyazyak am ney rakeh na do italamozong na ni Ama ta do to.

Matay 19:14

Maniring si Yeso jira am, “Pancyan sira o kanakan a mai jyaken. Ji nyo ngaza sira. Ta o italamozong na ni Ama ta do to am akman sira so sang.”

Matay 19:23

Karahan am maniring si Yeso do macinanao jya am, “To ko na macitangayan jinyo am tey masalit o aro so peymeymasaodan a tao a macikaop do italamozong ni Ama ta do to.

Matay 5:18

To ko na macitangayan jinyo am tana todangay do kaidan no karawan am abo asa ka ciring ni Ama ta do to a mabalinas.

Matay 5:20

Am ori o ko pancyan ninyo a makowyowyat pa kano mangnanao no iwawalam ni Ama ta do to a tao a kano tao a macyagom do Vadisay a mapeyvazay so vazay na ni Ama ta do to. Ta ori saon o ipacikaop nyo do italamozong na ni Ama ta do to am.

Matay 6:16

“No ji kamo mangakaday a meynozi am ji nyo nginara sira o tanwasiwasi a tao, do kakma dey mapasingat a mapacita no kaji da nimangakadayan a meynozi. To ko na macitangayan jinyo am tana mahap da o kazwayan da do karawan am abo rana o mahahap da a kadmayan da ji Ama ta do to.

Matay 6:2

No mangazaw ka am taosya o kapacita mo nya, akman so tanwasiwasi do peyneynozyan a kado rarahan a mapacita no kasidong da so tao. Ko ipanci pa jinyo am tana mahap da o kazwayan da do karawan am abo rana mahahap da a kadmayan da ji Ama ta do to.

Matay 6:5

“No meynozi kamo am ji nyo nginara o tanwasiwasi so nakenakem a makza no keyyan da do peyneynozyan a kado rararahan a meynozi a amngongyod so kapacita nya do tao. To ko na macitangayan jinyo am tana mahap da o kazwayan da do karawan am abo rana o mahahap da a kadmayan da ji Ama ta do to.

Make 4:12

Akman so ciring do Seysyo. Maniring am, ‘Tana citacitahen da am akma dey jyacita. Tana amyamizngen da am ji da tenngi. Yabo da kasngesngenan jyaken. Makongo ko so wanjin a amvonas so raraten da.’ ”

Locya 13:24

“Makowyat kamo a omyavayo so macicya onowned nyo. Ko pa ciring jinyo am aro tao a makza no kasdep da macikaop do italamozong na ni Ama ta do to. Am ji sira makasdep a macikaop jira.

Locya 22:32

Am ko na nipeynozi imo. So ji na ablisi no nakenakem mo jyaken. No mamlis ka so nakenakem am vavagan mo sira o akma moy kakteh do cinai an.”

Yowani 1:51

Maniring pa jira si Yeso am, “To ko na macitangayan jinyo am macita nyo na o teyngato a kacyangan a kapakacita nyo na so aro a tinsi ni Ama ta do to a meygegcin jyaken a Nipamnekan na ni Ama ta do to a meysisinaoli sira do teyngato.”

Yowani 3:3

Maniring si Yeso am, “To ko na macitangayan jimo am no si ji mirwa a matazak a tao o tao am ji macikaop do italamozong na ni Ama ta do to a tao.”

Yowani 3:5

Maniring si Yeso am, “To ko na macitangayan jimo am no jya nimalikey o tao do ranom a kano Seyzi am ji macikaop do italamozong na tao ni Ama ta do to.

Nimlivolivon 14:22

So nikakadayan da so amraralay ni Yeso a tao a paiten so nakem a to ngotokot a amraralay ni Ama ta do to. Maniring sira jira am, “Yaten rana a yamraralay ni Yeso am aro masapa ta alalaw no macikaop ta do italamozong na ni Ama ta do to.”

Nimlivolivon 28:27

Ta tey masalit o onowned da no tao eya. O cicilwan da am yakacilcilan. O mata da am yameyreket. Ta no sira macipayok so onowned am makacita o mata da. Makamizing o cicilwan da. Makazazap da no onowned a kapeysinaoli da rana jyaken. Ta ori o ipatazadang ko sira do teyngato.’ ”

Nimlivolivon 3:19

Am ori o ipamlis nyo rana somazap si Ama ta do to. Ta ori o ivonas na so raraten nyo.

1 Kedinto 14:20

So ipeypakatkat nyo, manga kakteh so pangtoktwan an. Akman kamo so mina tazak a tao a ji nakenakem so raraten.

1 Pite 2:2

Akman kamo so nimatazak a kanakan a komakday so meyzoko a akmey kanen no pahad nyo. So yopan nyo so sang a ipeypahagnat nyo a macikaop ji Ama ta do to.

2 Pite 1:11

a macikaop rana do to meyyonong a italamozong na ni Yeso Kizisto a Panirsirngen ta a mapatazadang jyaten do teyngato.