Matay 18:14 - Seysyo No Tao

¹⁴ Akman sang si Ama ta do to, a ji mamyapya no pakananaken da tao a mavozaw so onowned ji Ama ta do to.

Matay 18:14 ပူးပေါင်းရင်းမြစ်များ

Matay 18:13

To ko na macitangayan jinyo am no si makala na o nimavozaw a asa ka kagling am jyabo kaji na noyotan a makacita so nimavozaw a kagling a kano asyam so ipakapoo (99) a kagling a.

Matay 18:15

“No amyan so malas a vazay na jimo no akma moy kakteh do cinai am to ka nangay a macitangay jya a manci no kalasan na. Am no maveyvow kamo am ori ikakman mo sang. No amizngen na imo am manoyong kamo na meypyapya so nakem do tangain ni Ama ta do to.

Matay 5:16

Akman kamo so zezak ang a peycitacittan da no tao. So inaran nyo si Ama ta do to a tey yapya. Ta no si macita da inyo no tao a tey yapiya so ahahapan sya am admadmain da rana si Ama ta do to.

Matay 6:32

Ta o akman rana sang a vazay am da kalahen no yaji manaralay a tao. Na katenngan ni Ama ta do to o nyo kakzeben a makakaday.

Matay 6:9

No meynozi kamo am inarahen nyo ya an. ‘Mo Ama do to, inaoy no si mamimin o tao a zomwazway so meylimwang a ngaran mo.

Locya 12:32

“Inyo rana a macilolo jyaken am ji kanyo anyahey an. Ta isaray na ni Ama ta do to o katalamozong na ninyo.

Yowani 17:12

No kapacikaop ko pa jira am nipzatan ko sira no oyowyat mo a nitoro mo jyaken. So ikabo no asa ka tao jira nimavozaw, do kapzat ko jira. Am o manazang nyaken a tao am nidomket rana do Seysyo o kapeyparaherahet na.

Yowani 21:15

Teyka sira romyag am maniring si Yeso ji Simong Pite am, “Imo rana mo Simong a anak ni Yowani am manngwa, ka makdekdeng pa kano karwan nyo eya a maglaw nyaken an?” Maniring si Pite am, “Noon. Mo katenngan yaken a yatey maglaw nimo, mo Panirsirngen.” Maniring si Yeso jya am, “Peyveyveknen mo o yaomanoyong jyaken a tao a akma koy lilikta kagling.”

2 Timotay 2:10

Am ori o ko to liliwi so yamakakaday a da peyrarehtan jyaken, do ko kasidong so nipamnekan na ni Ama ta do to a tao a omanoyong ji Yeso Kizisto. So ikanoyong da makahap so to meyyonong a pangangarilawan na kano azwazway.

Sipolay 12:13

Ji nyo pasala o pangonongan nyo. Ta ori o ji da tahaciji no makasapa so ai a tao. So ikanoyong nyo na karapan so onowned.

2 Pite 3:9

O nakenakem ni Ama ta do to a kano tao am ji meyyangay. Ta si Ama ta do to am ji mapainin do mina ciring na. Ta tana inyo am akman sang a na jyahaywan a pananalahen a yamamlis. Ta ji na mamyapyan o asa ka tao do karawan a mangay do kararatan. Ta ikakza na o kamimin no tao a mamlis a komaro do raraten da.