Matay 17:5 - Seysyo No Tao

⁵ Ji na pa teyka ni Pite o ciring na am to ngyan so cinalab a ombengbeng sira a keyyan no ciring a maciralay do cinalab ang. Maniring am, “Iya rana am ney kaglaw ko Anak ko. So sarayan ko nya. Amizngan nyo sya.”

Matay 17:5 ပူးပေါင်းရင်းမြစ်များ

Matay 12:18

“Cita kamo, ta iya rana am ko nipamnekan a lamlamsoy ko. So ko kaglawan nya. Ko sarayan nya. Itoro ko jya o Seyzi ko. Ipeylimwang na do tao o kapatazadang ko sira do teyngato.

Matay 17:6

Mamizing da o ciring no macinanao jya am to rana sira meyrorokma do teyrahem a manyahey.

Matay 3:17

Meyratateng am amyan so ciring a apo do teyngato. Maniring am, “Iya rana ya am Anak ko a ko tey kaglaw. So yako sarayan nya.”

Make 1:11

Makarahan am maciralay o ciring na ni Ama ta do to apo do teyngato. Maniring am, “Imo rana am Anak ko imo a ko tey kaglaw. So sarayan ko nimo.”

Make 9:7

Makarahan am to ngyan so cinalab a macita da a ambengbeng do teyngato da. Meyratateng am to ngyan so ciring a meyzezyak. Maniring am, “Iya rana am ney kaglaw ko a Anak. Amizngen nyo o ciring na.”

Locya 3:22

So niyan na no Seyzi akman so hato a someyked do kataotao na. Am ori o niyan no ciriciring a nimapo do teyngato. Maniring am, “Manoyong ka Anak ko an. So sarayan ko nimo an.”

Yowani 3:16

Yatey rako na karilawan no tao do karawan ni Ama ta do to. Mangay do na veyvowen a Anak na o yana nitoro. So ikamimin da no omanoyong jya tao a ji rana meydednai no peyoyaoyyan na ni Ama ta do to, ta mahap da rana o to meyyonong a ikavyay no pahad da.

Yowani 3:35

O Ama na am marilaw no Anak na. So na nitorwan no makakaday jya a italamozong na.

Yowani 5:37

Na ipeylimwang yaken ni Ama a nitomovoy jyaken. Abo pa jinyo o nimakamizing so ciring na. Abo pa jinyo o nimakacita so moing na.

Nimlivolivon 1:9

Teyka na rana ori a ciring am meycyakavat rana si Yeso do teyngato. Tangarahen da am amyan so asa ka cinalab ambengbeng so citahen da.

Nimlivolivon 7:37

Si Moyse o nimanci nya do Isedi a tao so, ‘No makwa am amyan pa do sivosivovoong nyo so panoyonoywan na so ciring ni Ama ta do to a tovoin na jinyo akman jyaken a nitovoy na jinyo a Isedi.’

Ivoso 1:6

So ikanoyong ta somaray no akman sang a pangangarilawan na ni Ama ta do to, do na kabo no ngina na no Anak na, na to norwan jyaten.

Kelosi 1:13

Na nyagag yaten do kasarisaryan a na kaparapong jyaten do italamozong no Anak na ni Ama ta do to.

Sipolay 5:9

Komavos o vazay na ni Yeso am tombod rana jya o to meyyonong a ikavyay no pahad da no yaomonot jya tao,

Ipaziman 1:7

Citahen nyo an, si Yeso Kizisto a maciralay do cinalab a mai an. Mamimin o tao a makacita sya, mangay do nimapadket sya do jyojika tao o makacita sya. So ikamimin no tao do karawan a malaw nya so onowned a makaranes do karawan. So ikanoyong no akman so sang.

Ipaziman 14:14

Meyratateng am makacita ko so asa ka malavang a cinalab a lisnan no akma raney tao a meysakop so vowawan a meypinan so matarem a kekezdas.