Matay 17:27 - Seysyo No Tao

²⁷ Am taosya o kakma tey mapasobsobna. So to mo rana angai a mamasil. Si citahen mo o ngoso no ney manma na among mo am makacita ka so asa ka nizpi. Makanet rana ori a itoro ta deyking do rako a panaralayan.”

Matay 17:27 ပူးပေါင်းရင်းမြစ်များ

Matay 17:26

Maniring si Pite am, “Mangap do karwan no tao.” Maniring si Yeso jya am, “No ori o nakem mo am ji noroi saon o anak na am.

Matay 18:6

“No amyan so tao a tomirara so pakananaken da tao a meyraraten a kapeymakaro na jyaken am apyapya rana kato rana milan do zagaw na itbong do awa a wakwaken.

Matay 18:8

No si asa ka lima mo no beken a ai mo o ipeyraraten mo am to ranangteba kawalit nya. Tana abo lima kano ai a kapakahap so to meyyonong a ikavyay no pahad am apyapya pa o akman sang, a kano meynanod so lima kano ai a mangay payongben do jyahesep a lila no apoy.

Matay 5:29

No si asa ka mata mo o nipeyraraten mo am to mo rana ngoswa a iwalit. Ta apyapya pa o kabo no asa ka mata mo a mai jyaken a kano kataotao mo a mangay do kararatan.

Matay 5:30

No wanan mo do lima mo o nipeyraraten mo am to mo ranangteba a iwalit. Ta apyapya pa o kabo no asa ka lima mo a mai jyaken a kano kataotao mo a mangay do kararatan.

Make 9:42

Maniring si Yeso am, “No myan so tao a tomirara so pakananaken da a tao a meyraraten a kapeymakaro na rana jyaken am apyapya rana o kapila jya mangay itbong do awa.

Make 9:43

No si lima mo o nipeyraraten mo am to ranangteba. Tana abo rana o asa ka lima a kapakasalap ji Ama ta do to am apyapya pa ori a kano meynanod so lima mangay do kararatan a matemtem no jyahesep a lila no apoy.

Locya 17:2

Ta o akman rana sang a tao am apyapya rana o kapila jya mangay itbong do awa. Ta maraherahet o kapeypalanginan na no ji makapatak nya a tao do peyraratenan da.

Yowani 6:61

Katenngan ni Yeso sira mazyak nya am maniring jira am, “Nyo ikarahet o ciring ang?

Loma 14:21

Apyapya pa o kajyanganan so vinyay, ji ngyop so saki a ji mapeyvazay so makakaday a vazay a pacikzan da meyraraten no akma tey kakteh do cinai.

1 Kedinto 8:13

Am ori o no si ikarahet da o kanen ko no akma koy kakteh do cinai am ji ko na nganna o akman sang a kanen mangay no makwa. Ta maraherahet o kapacinara da jyaken no akma koy kakteh do cinai a marahet nya so onowned.

1 Kedinto 8:9

Am azimanen nyo. Ta ji nyo akwan kapya na jinyo o kato nyo mangozayan do kataotao nyo. Ta panadnaden nyo sira o malma pa so onowned a amrahet pa sya.

2 Kedinto 6:3

Namen ji mapeyvazay so marahet a vazay a tamwadan da jyamen no tao. Inaoy no si ji namen meyvazay so marahet a vazay a ikazazat do tao a omonot ji Ama ta do to.

2 Kedinto 8:9

Nyo na katenngan o pangangasyan ni Yeso Kizisto a Panirsirngen ta. Iya rana am abwata o kakzeben na an. Ta iya rana am tey meynakem do teyngato. Am na kapanadnad jyaten. So na ikakmey makasi a tao. Na apyapyahen pa o na katoda katawwan a yamapazanod jyaten do azwazway na do teyngato.

1 Tesalonicya 5:22

Peymakarwan nyo o peyraratenan nyo do teyrahem.

Yake 2:5

Amizngen nyo manga keypong an. Na nitenngan ni Ama ta do to sira o makasi a tao do karawan a makdeng so nakem a omraralay nya. So da ikanoyong a makahap so nakem na sira ni Ama ta do to a macikaop rana do italamozong na.