Matay 17:20 - Seysyo No Tao

²⁰ Maniring si Yeso am, “O nyo ikakman sang am yaji makanet pa o nakenakem nyo si Ama ta do to. To ko na macitangayan jinyo am tana akman kamo so alikey a vettow no nappa so kakdekdeng no nakem am tana to nyo nirsirnga o tokon a meylis do yanan na kangay na do kwang am meylis ori an. So ikabo no ji nyo a peyvazay a vazay.

Matay 17:20 ပူးပေါင်းရင်းမြစ်များ

Matay 13:31

Ipanci na pa jira ni Yeso o asa ka pehngehngayan na so ciring na. Maniring am, “O ipeyparo da no tao a macikaop do italamozong ni Ama ta do to am akman so asa ka vettow no nappa a tokosen no tao do peymowamowan na.

Matay 14:29

Maniring si Yeso am, “Sijya.” Makarahan am gomcin si Pite do vazangay a kalam na do ranom a meypangay ji Yeso.

Matay 17:17

Maniring si Yeso am, “Kamo tey yalikey pa so nakenakem ji Ama ta do to a tao sicyaikwaya do yanyo kapeyraraten. Akman rana so wanjin o kownownay ko a macikaop jinyo. Akman ko rana so wanjin a marilaw ninyo. Ayyan kamo o kanakan do jya.”

Matay 17:19

Karahan am pacicin da si Yeso no macinanao jya. Maniring sira am, “Ikongo namen ji makavozwawi so kalamsoyan ni Satan ang.”

Matay 17:9

Omosok sira apo do tokon am maniring jira si Yeso am, “Do ji ko pa nimirwai a mavyay a Nipamnekan na ni Ama ta do to a tao am ji nyo pa meycicicyan o yanyo nimacita vazay an.”

Matay 21:21

Maniring si Yeso am, “To ko na macitangayan jinyo am no manoyong kamo a meyhanhan ni Ama ta do to a ji meykarwa so nakem am akman kamo sang a makapeyvazay so yako mina vazay ang. Am beken a ori an. Ta tana to nyo nirsirnga o tokon a mangay do awa am mangay ori an.

Matay 8:26

Maniring si Yeso am, “Ikongo nyo ikanyahey. Yakamo tey likey pa so nakenakem ji Ama ta do to.” Makarahan am meyvangon a kasirisiring na rana so rako a pagpag a kano paopaong a karekhang na rana nya.

Make 11:22

Maniring jira si Yeso am, “To ko na macitangayan jinyo am no manoyong kamo a meyhanhan ni Ama ta do to am

Make 11:23

apya kapanci nyo no tokon a meylis a mangay do awa. No manoyong kamo a ji meykarwa so nakem ji Ama ta do to a omanoyong do ciring na am manoyong keyyan no akman sang a vazay nyo.

Make 4:31

O italamozong ni Ama ta do to am akman so vettow no nappa so kalikelikey. No pamowahen no tao do tana am,

Make 9:23

Maniring si Yeso am, “No si manoyong kapeyhanhan mo ni Ama ta do to am abo sapan a vazay.”

Locya 1:37

Ta abo ji na hap a vazay ni Ama ta do to.”

Locya 17:6

Maniring si Yeso am, “Tana akman kamo so alikey a vettow no nappa so kakdekdeng no nakem am tana to mo nirsirnga o kayo a manci no, ‘To ka botbot a kangay mo amlida do awa,’ am jyabo kaji na ngonotan jinyo a.

Locya 18:27

Maniring jira si Yeso am, “O ji da amaog no tao am mamaog na ni Ama ta do to an.”

Yowani 11:40

Maniring si Yeso jya am, “Nipanci ko na jimo asyo o, ‘No si anoyngan mo am macita mo o mapeyzokab a oyowyat ni Ama ta do to,’ kwan ko imo asyoo.”

1 Kedinto 12:9

Yakman sang, ta na itoro do yasa ka tao o kakdeng no nakenakem na ji Ama ta do to, a na katoro nya do yasa ka tao so oyowyat na a yamvonas so ingingnen no tao.

1 Kedinto 13:2

Tana mateneng ko a mangononong so ciriciring na ni Ama ta do to a yanan no makakaday a teneng a makateneng do nanao na ni Ama ta do to a mowyat so nakenakem a to rana makapeylis so tokon a mangay do awa, kabo no pangangarilawan ko so icyatatao ko am ikongo peypeypangayan na no nang.

Sipolay 3:19

Tamo katenngan o kaji da nimakatokodan so pamahamahan da a angayan na jira ni Ama ta do to, do kaji da manganoyngan.