Matay 17:12 - Seysyo No Tao

¹² Am ko ipanci pa jinyo am yarana nimai si Idiya am da jyatenngi no tao. Am ori o to da naziboi nya no tao. So ikakman na sang no Nipamnekan na ni Ama ta do to a tao a peyraraheten da.”

Matay 17:12 ပူးပေါင်းရင်းမြစ်များ

Matay 11:2

O nimanaktak a meyngaran si Yowani am amyan do pamemtengan. Mamizing na o vazay ni Kizisto am ori o nipanovoy na so macinanao jya mangay a macisirsiring ji Yeso. Maniring sira jya am,

Matay 16:21

Nimacipinda no kanang o kato na rana mapazimakmakan so ciring na do macinanao jya a manci no kangay na do Yelosaleng. So ikaro na do dang no alalaw na itoro da jya no kamanrarakehan da no tao do Yotay a kano panipanirsirngen da no mapatanatanang so nakem da si Ama ta do to a kano mangnanao no iwawalam ni Ama ta do to a kawakwak da sya. Am ikatlo na araw am mirwa pa mavyay.

Matay 17:11

Maniring si Yeso am, “Si Idiya rana am manmanma mai a mapeyyalalap so nakem no meykaoya tao.

Matay 17:13

Ori rana o nipakateneng da rana jya no macinanao ji Yeso so pakacirngen na do nimanaktak a si Yowani.

Matay 17:22

Malovot o macinanao ji Yeso do Cyadidi am maniring si Yeso jira am, “Itoro da o Nipamnekan na ni Ama ta do to a tao do macioya jya tao,

Matay 17:9

Omosok sira apo do tokon am maniring jira si Yeso am, “Do ji ko pa nimirwai a mavyay a Nipamnekan na ni Ama ta do to a tao am ji nyo pa meycicicyan o yanyo nimacita vazay an.”

Matay 21:32

Ta yarana nimai o nimanaktak a si Yowani. Na rana nipanci jinyo o manoyong a rarahan nyo. Am nyo ji nganoyngi. Am sira rana mapeyvazay so deyking a tao a kano somagpyan a mavakes am da nyanoyngan. Tana nimacita nyo o mapeyvazay so deyking a tao a kano somagpyan a mavakes a yarana nimamlis am kamo ji mamlis a yaji nganoyong jya.”

Matay 8:20

Maniring si Yeso jya am, “Amyan so vahay no votdak, amyan so vahay no lapik. Am yaken a Nipamnekan na ni Ama ta do to a tao am abwata o ko tangnan so oo ko an.”

Locya 7:33

Mai rana o nimanaktak a si Yowani am ji mangakaday no tomakatakaw do kanakenakem na si Ama ta do to a jya nimyop so saki. So nipancyan nyo nya zomyak.

Yowani 1:11

Mangay do pacikeylyan na am to da nazibwan no tao do dang.

Nimlivolivon 2:23

O nakenakem na ni Ama ta do to no kakwa am hapen nyo si Yeso a itoro do marahet so nakenakem a tao a kapadket da sya do jyojika a wakwaken.

Nimlivolivon 4:10

naknakmen nyo a Isedi a tao an. O na nipeytatanek do tangain nyo no tao eya a nimapya rana am oyowyat no ngaran na ni Yeso a tao do Nasale a nipadket nyo do jyojika a nipirwa na avyain ni Ama ta do to.

Nimlivolivon 7:52

Amyan so asa ka panoyonoywan na so ciring ni Ama ta do to a ji da nipakakasi no ineynapo nyo an? Yabo. Niwakwak da sira o meylimwang no omanam a mai a Misayya. Iya rana am tey yapya o nakenakem na a omahap so vazay ni Ama ta do to a nipacinginangina nyo a niwakwak nyo.