Matay 16:6 - Seysyo No Tao

⁶ Maniring si Yeso jira am, “Azimanen nyo o akmey kosozi no odong a yamyan do tao a macyagom do Vadisay a kano macyagom do Satokay.”

Matay 16:6 ပူးပေါင်းရင်းမြစ်များ

Matay 16:1

Amyan so tao a macyagom do Vadisay a kano macyagom do Satokay a mangay ji Yeso a omnakenakem so keyleylamdam da sya. Am ori o kakzeban da sya a mapacita no mapeyzokab a vazay na a yongkad na apo ji Ama ta do to.

Matay 16:11

Ikongo nyo pa ji makatenngi do nipanci ko na jinyo. Beken a ko pagazen do myanpaw o ciring ko, ta ko pagazen do marahet a onowned da no tao a macyagom do Vadisay a kano macyagom do Satokay.”

Matay 16:12

Ori o nipakatenngan da rana ji Yeso no macinanao jya do kaji na ngaingan do kosozi no odong. Ta pakacirngen na do marahet a nanao da no tao a macyagom do Vadisay a kano macyagom do Satokay.

Matay 16:5

Makaranes sira do katovangan no rako a meybebneng a ranom am nikahamangan da o kapalolo da so myanpaw no macinanao ji Yeso.

Matay 16:7

Ikazyak da no macinanao o ciring ni Yeso ang. Maniring sira do kadwan jira am, “Ala ta kajya nimapalolwan so kanen ta o na peycirngan so sang ang!”

Matay 3:7

Macita ni Yowani o aro a tao a macyagom do Vadisay a kano macyagom do Satokay a mai a manci ni Yowani a tomaktak jira am pamizngen na sira. Maniring jira am, “Inyo a yakmey mavowaw, sino ipanci jinyo o yanyo katayo no oyaoya na ninyo ni Ama ta do to.

Make 8:15

Maniring si Yeso jira am, “Azimanen nyo o akmey kosozi no odong a yamyan do tao a macyagom do Vadisay a kani Helote.”

Locya 12:1

No kanang am meycyalaklaksa o tao a meysilisilin. Am ori o nipacizasazasag da so ai. Meyratateng am panomanomahen na ni Yeso o kananao na so macinanao jya. Maniring am, “Azimanen nyo o iyangay da no tao a macyagom do Vadisay. Ta akmey yapya do cittan sya am beken a manoyong sira an.

Locya 12:15

Maniring jira am, “Azimanen nyo kaji nyo mangagoman so meykamadadayan an. Ta tana meynakem o tao ori am beken a ikapintek na do karawan ori.”

Yowani 4:33

Maniring sira do ipeykalakalavaten da am, “Ala yamyan so tao a yanimanta nya so kanen na an?”

Cyalatay 5:9

Ta naknakmen nyo pala o kosozi no odong. Tana alikey pazavozen am mapeymway na o nipeysolisoliket a odong. Akman sang o malas a nanao a makeykai a meylimwang a ikarahet no tao.