Matay 16:3 - Seysyo No Tao

³ Apnezak pa am ipanci nyo na o kacimoy na kasazowsaw na sicyaraw, do kakedep na. Kamo mateneng a yamanita so palanginan am nyo jyazab o tovil na no vazay na ni Ama ta do to sicyaikwaya.

Matay 16:3 ပူးပေါင်းရင်းမြစ်များ

Matay 11:5

do yada kapakacita rana no nimavota tao. Da kapakalam rana no nimakasapa a tao. Yada kapya rana no niomlabyab so kolit a tao. Da kapakamizing rana no nimateleh a tao. Da kavyay rana no nimawakwak a tao. Da kapakamizing rana so Mapasaray a Ciriciring no ipangoyongoyod da a tao.

Matay 15:7

Inyo rana yatanwasiwasi am yamanoyong o ciring no panoyonoywan na so ciring ni Ama ta do to a meyngaran so Isayya a pakacirngen na jinyo. Ta maniring am,

Matay 22:18

To na rana tenngi ni Yeso o keyleylamdam da sya. Am ori o nipancyan na no, “Inyo rana yatanwasiwasi a tao am ikongo nyo ileylamdaman jyaken.

Matay 23:13

“Inyo rana yatanwasiwasi a yamangnanao no iwawalam ni Ama ta do to a kano tao a macyagom do Vadisay am to kamo makasi. Ta inyo rana am nyo taywen o oyowyat ni Ama ta do to do tangain no tao. Nyo ji mya o kataotao nyo a macikaop do italamozong ni Ama ta do to. Akman sang o tao a nyo ji mya a yamacikaop do italamozong ni Ama ta do to.

Matay 4:23

Nilivolivon ni Yeso o peycyeylilyan na do Cyadidi a kapangnanao na so tao do peyneynozyan da do dang a meylimwang no italamozong na ni Ama ta do to a kapangiwakwak na so meykeyngeyngen a tao do dang.

Matay 7:5

Inyo rana mapakapyapya so nakenakem a tao am manmanma o kablis nyo so karatan nyo. Ta ori o ipakacita nyo so karatan no kadwan jinyo an.

Locya 11:44

Am ori o to nyo makasi an! Ta yakanyo akman so jyasingkaji a heseb no tao a jyaziman no mangonong a tao. Tana hapen da o icicirawat nyo no tao am ji da tenngi o karahet no onowned nyo.”

Locya 12:56

Inyo rana a mapakateneteneng a tao am nyo katenngan o kacita nyo so palapalanginan am ikongo nyo ji makatenngi do vazay ni Ama ta do to sicyakwaya.

Locya 13:15

Maniring si Yeso am, “Inyo rana a mapakapyapya so nakem a tao am manngwa, nyo ji pakana o makakaday a vinyay nyo do ipeywalam no tao?

Sipolay 5:14

O asa ka ciring dang am o makaveyvow o koman so cinvevekeh, ta mapeyneynara da rana. Akman so sang o makaveyvow a tao a makateneng do apya kano marahet.