Matay 16:19 - Seysyo No Tao

¹⁹ Itoro ko jimo o ipangingiwang do italamozong ni Ama ta do to. O ji mo mya do teyrahem am akman sang a ji mya do teyngato. O apyahen mo do teyrahem am akman sang a apyahen do teyngato.”

Matay 16:19 ပူးပေါင်းရင်းမြစ်များ

Matay 18:18

“To ko na macitangayan jinyo am o raten nyo do teyrahem am raten ni Ama ta do teyngato. O apyahen nyo do teyrahem am akman sang a apyahen na do teyngato.

Yowani 20:23

No si vonasen nyo o raraten no tao am todavonas rana. O ji nyo vonasa so raraten am jyavonas o raraten da.”

Nimlivolivon 15:7

So nikownay da nimeysirisiring. Meyratateng am meytatanek si Pite. Maniring jira am, “Manga kakteh, nyo katenngan yaken a na nipamnekan ni Ama ta do to a mangay a mapamizing so beken a tao do Yotay no Mapasaray a Ciriciring.

2 Kedinto 2:10

O peykabobwen nyo so marahet a vazay a tao am to ko macyanod so nakem jinyo. Ta o ikakman ko sang am peyyanowanopen ko inyo so nakem do tangain ni Yeso Kizisto.

1 Tesalonicya 4:8

O ji ngahap so akman sang a nanao am beken a tao o na pasobnan, ta o Seyzi a nitoro na jyaten ni Ama ta do to am ori o pasobnan na.

Ipaziman 1:18

Yaken rana am to ko meyyonong a mavyay. Nimawakwak ko no kakwa. Am ko na mavyay sicyaikwaya a mangay do kaidan no karawan. Yaken rana am yatomalamozong no kawakwakan a kano yaomanam pa vazay ko do mawakwak a tao.

Ipaziman 11:6

Amyan so oyowyat da amzazat do cimoy do peylimwangan da no ciring na ni Ama ta do to. So talamozongan da no tozongan no ranom a kapeyvaliw da so ranom a rala. So iyan no oyowyat da a mapeykaraherahet so tao do karawan no makakaday a alalaw. Am jyapingsan o araraw no ipeykaraherahet da so tao.

Ipaziman 3:7

“Ipeyteygami mo o yamimong no kyokay do Veylatevey. Si maniring ka am, ‘Yamaniring o yaji meylimoteng so onowned a tey manoyong am: Yaken rana am akman ko so panirsirngen a meyngaran so Tawey a yatomalamozong no kagi. So ikabo no tao a makaneb do niwangan ko. O yako nyaneban am abo makeywang jya.

Ipaziman 9:1

Avyotan no ikalalima no tinsi o zapa am macita ko o asa ka mata no hanit a makas do teyrahem a kahap na so kagi no abo so takadan a gazawagaw a jyatenngi so karaherahem.