Matay 16:13 - Seysyo No Tao

¹³ To da ji makaranes si Yeso a kano macinanao jya do Kaysadiya Veydipi a ili am pacicin na o macinanao jya. Maniring am, “Sino kwan da yaken no tao a Nipamnekan na ni Ama ta do to a tao.”

Matay 16:13 ပူးပေါင်းရင်းမြစ်များ

Matay 12:32

O komolala jyaken a Nipamnekan na ni Ama ta do to a tao am mavonas o akman sang a raraten. Am omraherahet so Seyzi na ni Ama ta do to a tao am to rana meyyonong a jyavonas o akman sang a raraten.

Matay 12:40

Mina katlo araw a kano katlo ahep si Yena nimyan do velek no rako a among. Akman ko sang a Nipamnekan na ni Ama ta do to a tao a amyan do oned no tana so makatlo araw a kano katlo ahep.

Matay 12:8

Ta o Nipamnekan na ni Ama ta do to a tao o yameymatmatngeh no araraw no ipeyweywalam no tao.”

Matay 13:37

Maniring si Yeso am, “O manokos a tao ori am yaken a Nipamnekan na ni Ama ta do to a tao.

Matay 13:41

Yaken rana a Nipamnekan na ni Ama ta do to a tao am manovoy ko so tinsi a mangay omrakep so tomirara so tao a meyraraten a kano marahet so ahahapan sya,

Matay 15:21

Karwan na do dang ni Yeso am mangay do meyngaran so Tayar a kano Siton a ili.

Matay 16:27

Yaken rana a Nipamnekan na ni Ama ta do to a tao am maciralay ko do azwazway na ni Ama kano aro a tinsi a meygegcin. To ko palololwa o yazaw ko so mina vazay da jyaken no tao.

Matay 16:28

To ko na macitangayan jinyo am o tao a yatomanek do jya am amyan jira ang so makapis pa jyaken a Nipamnekan na ni Ama ta do to a tao a mai a tomalamozong no karawan, do ikamavyay da pa.”

Matay 25:31

“No si meypanirsirngen o Nipamnekan na ni Ama ta do to a tao a macihza do tinsi ni Ama ta do to am amlisna do mazway a lilisnan na.

Matay 8:20

Maniring si Yeso jya am, “Amyan so vahay no votdak, amyan so vahay no lapik. Am yaken a Nipamnekan na ni Ama ta do to a tao am abwata o ko tangnan so oo ko an.”

Matay 9:6

Ta ko kakzeben inyo a makateneng do oyowyat ko a Nipamnekan na ni Ama ta do to a tao a makavonas so raraten no tao.” So pancyan na nya do meyngen a tao so, “Tanek rana kahap mo so ireyrayan mo a mangay rana do vahay nyo.”

Make 10:45

Ta o na nyai no Nipamnekan na ni Ama ta do to a tao am beken a ilamnain no tao. Ta mapeylamnay so aro a tao a kangay na mapasansan so kataotao na yagag na sira do peyraratenan da.”

Make 8:38

O tao rana do karawan sicyaikwaya am yatey yaro rana o raraten da. No amyan so tao a macimanig nyaken a kano ciring ko am no meysinaoli ko a Nipamnekan na ni Ama ta do to a tao a macihza do azwazway ni Ama ta do to a kano aro a tinsi am abo nakenakem ko sya.

Yowani 1:51

Maniring pa jira si Yeso am, “To ko na macitangayan jinyo am macita nyo na o teyngato a kacyangan a kapakacita nyo na so aro a tinsi ni Ama ta do to a meygegcin jyaken a Nipamnekan na ni Ama ta do to a meysisinaoli sira do teyngato.”

Yowani 12:34

Maniring o aro a tao am, “O domket do Seysyo am to meyyonong a mavyay o Misayya. Am ikongo mo pancyan no kapadket sya do jyojika so Nipamnekan na tao ni Ama ta do to. Sino tao mo ipanci ang.”

Yowani 3:14

Maniring pa si Yeso am, “No kakwa pa am nimapatnek si Moyse do kayo so nipariparing da mavowaw do kabwan no nihakawan no tao. So icyakman ko sang a Nipamnekan na ni Ama ta do to a padketen da do kayo a patneken no makwa.

Yowani 5:27

Na nitoro jyaken ni Ama ta do to o oyowyat a yamapacici a mapeykapyapinpin so tao. Ta yaken rana am Nipamnekan na ni Ama ta do to a tao.

Nimlivolivon 10:38

Nioyatan na no Seyzi si Yeso a tao do Nasale. So nilivolivon na mangiwakwak so meykeyngeyngen a tao a mamozwaw so kalamsoyan ni Satan a komovot do tao, do kapacikaop na jya ni Ama ta do to.

Nimlivolivon 7:56

Maniring si Setiven am, “Ko macita o teyngato a yameywang. O Nipamnekan ni Ama ta do to a tao am yameytatanek do wanan na.”