Matay 15:32 - Seysyo No Tao

³² Rarahen na ni Yeso sira o macinanao jya. Maniring jira am, “Ko ikabo sira no nakem o aro a tao, do da kapakatlo araw rana do jya. So nikabo rana no kanen da sicyaikwaya. Am ko ji mamyapyan sira meykakcin a omrateng do vahay da, do ko kahawa nira kalingongawan do rarahan a makcin.”

Matay 15:32 ပူးပေါင်းရင်းမြစ်များ

Matay 12:40

Mina katlo araw a kano katlo ahep si Yena nimyan do velek no rako a among. Akman ko sang a Nipamnekan na ni Ama ta do to a tao a amyan do oned no tana so makatlo araw a kano katlo ahep.

Matay 14:13

Mamizing na ni Yeso o kanimawakwak na ni Yowani am omavang do vazangay a kano macinanao jya a komaro do dang a kaveyvow na mangay do kabwan no tao. Katenngan da no aro a tao am omalam sira a apo do peycyeylilyan na a omonot jya.

Matay 15:33

Maniring sira o macinanao jya am, “Do wanjin o angayan namen a pangapan so kanen a ibsoy ta so aro a tao, do yabo panazangan do jya.”

Matay 20:34

Ikarilaw na sira ni Yeso. Am ori o nipinanan na do mata da. Karahan am jya nimeyyahahay sira nimakacita a kapacihza da rana ji Yeso.

Matay 27:63

Maniring sira am, “Mo maran, namen pa manakem o ciring no yamangalalas a tao no kavyay na pa manci no, ‘Ikatlo na araw am mavyay ko pa.’

Matay 9:36

Macita ni Yeso o aro a tao am ikarilaw na sira. Ta akmey minaminasbang sira abo so marilaw nira. Akman so kagling a abo so omonong jira a tao.

Make 9:22

Masangib ya civtan so inawan no kalamsoyan ni Satan a payongben do apoy, hemesen do ranom. No si myan so vazay mo am ikarilaw mo pa yamen an. Sidongen mo pa yamen an.”

Locya 7:13

Macita na ni Yeso o vao a mavakes amlavi so onowned. Am ori o nikasyan na nya. Maniring jya am, “Ji ka lavi an.”

Nimlivolivon 27:33

Meyzengazengang rana am ipanci na sira ni Pawlo a koman. Maniring jira am, “Kamo kapat rana so icyarwa so araraw a yajya nimangakaday do nyo kalaw.

Sipolay 4:15

Si Yeso Kizisto am panoyngen na yaten a tao do karawan a ji makanet so nakenakem. Ta iya rana am nimasapa na o makakaday a ilita na jya ni Satan. Am jya nikalittan. Iya am abo o raraten na.