Matay 15:14 - Seysyo No Tao

¹⁴ Ji nyo ngazidan sira, ta sira rana am kapalangayan da o mavota tao a mangonong no tao. No mangalay so mavota o mavota tao am mangay o kangay da matazangeb no rarwa ang.”

Matay 15:14 ပူးပေါင်းရင်းမြစ်များ

Locya 6:39

So nipancyan na nya jira so pehngehngayan na sya. Maniring am, “Jyabo o kapangalay no mavota tao so mavotaha. Ta jyabo kaji da meynanodan a matazangeb a.

Yowani 9:39

Maniring si Yeso am, “O peypeypangayan no yako nyai do teyrahem am ko mapeykapyapinpin so tao. Ko iwangan o mata da no yakmey mavota so pahad a tao a kapakacita da rana. O mapakateneteneng do nanao na ni Ama ta do to am meyvaliw rana sira akmey mavota, abo so katentenngan.”

1 Timotay 6:5

Ta ori o yapwan no kato da mangamaogan so malas a nakenakem a kano marahet a icicirawat da. O nakenakem da nira omraralay ni Ama ta do to am naknakmen da o kapeynizpi da nya.

2 Pite 2:1

No kakwa do Isedi am amyan so nimalas so ipangnanao a tao. Akman sang jinyo, ta no makwa am amyan so malas so ciring a tao. Sira rana am ipeylimwang da o iparai no pahad nyo ji Ama ta do to, mangay ji Yeso Kizisto a nimawakwak nira o alalasan da. Am o akman rana sang a tao am ji meyyahahay o kapeydedna na jira no oyaoyyan na nira ni Ama ta do to.

2 Pite 2:17

Sira rana o malas so ipangnanao a tao am akman sira so matdes a atbod a kabwan rana no ranom. So icyakma dey pavyoten no pagpag a cinalab a kabwan no maciralay a cimoy. Mangay o kapangayan na sira ni Ama ta do to do rako a kasarisaryan.

Ipaziman 19:20

So nirakpan da so omalalam a kapazanod da so nimeyvazay so mapangyangyalak a makahaw a tao a rakpen. O makahaw a tao am nimeyvazay ori so mapangyangyalak a vazay a ipeykawad na so yanan no ipatotodo no omalalam a kano niomraralay no kamamagenan na tao. Omalalam rana kano makahaw a tao am niwalit na sira do akman so awa so karakorako a lila no apoy.

Ipaziman 22:15

Am sira rana somagpyan a kano manlita no oyowyat ni Satan a kano mangzakza so icyatatao da kano mangap so tao a kano manaralay so malas a iraralay a kano jyanoyong so ciring a kano iwawalam am mamimin sira mavezed do pantaw no ili.