Matay 15:1 - Seysyo No Tao

¹ Amyan so tao a macyagom do Vadisay a kano mangnanao no iwawalam ni Ama ta do to a nimapo do Yelosaleng a mangay ji Yeso. Maniring sira jya am,

Matay 15:1 ပူးပေါင်းရင်းမြစ်များ

Matay 23:2

“Sira rana mangnanao no iwawalam ni Ama ta do to a kano tao a macyagom do Vadisay am manoyong ori a vazay da a yamangnanao so iwawalam ni Ama ta do to a nitaid na ji Moyse.

Matay 5:20

Am ori o ko pancyan ninyo a makowyowyat pa kano mangnanao no iwawalam ni Ama ta do to a tao a kano tao a macyagom do Vadisay a mapeyvazay so vazay na ni Ama ta do to. Ta ori saon o ipacikaop nyo do italamozong na ni Ama ta do to am.

Make 3:22

Maniring sira o apo do Yelosaleng a mangnanao no iwawalam ni Ama ta do to a tao am, “Beken a yana kovotan ya ni Satan a meyngaran so Peysepo? Am ori o yana to makavozwawi so kalamsoyan na ni Satan?”

Locya 5:17

Ipisa mangnanao si Yeso am amyan so makanateng a tao a macyagom do Vadisay a kano mangnanao no iwawalam ni Ama ta do to. Sira rana ori am nimapo sira do Yelosaleng a kado peycyeylilyan na do Cyadidi a kado Yotay. Ikongo do nioyatan na ni Ama ta do to si Yeso, am ori o nipangiwakwak na so meykeyngeyngen a tao.

Locya 5:21

Am ori o nikazyakan da nya no tao a macyagom do Vadisay a kano mangnanao no iwawalam ni Ama ta do to. So nipancyan da no, “Sinosino o tao eya a yato nazovaz si Ama ta do to. Ta si Ama ta do to saon o makavonas so raraten no tao.”

Locya 5:30

Ori o nikazyakan da nya no tao a macyagom do Vadisay a kano mangnanao no iwawalam ni Ama ta do to. Am ori o nipancyan da nya do macinanao ji Yeso so, “Ikongo nyo ipacihanghang do mangangap so deyking a kano aro a meyraraten a tao.”

Yowani 1:19

No kano nang am o meynakem a tao do Yotay do Yelosaleng am nimanovoy sira so mapatanatanang so nakem da si Ama ta do to a kano Diwey a tao a mangay a tomita si Yowani. Maniring sira jya am, “Sino ka ya.”

Nimlivolivon 23:9

So nikarakorako pa no ilololosan da. So nipeytatanek da no karwan da no tao a macyagom do Vadisay a mangnanao no iwawalam ni Ama ta do to. Maniring sira am, “Namen jyakala o na karatan no tao eya. Tana yamyan so tinsi a kano pahad a macisirsiring jya am ta karatan nya.”

Nimlivolivon 25:7

Mai rana si Pawlo am o apo do Yelosaleng aro a tao am limoten da a kapanci da no itawwen da ciring a iraherahet da sya. Am abo do dang o manoyong a ciring da.