Matay 13:52 - Seysyo No Tao

⁵² Maniring si Yeso am, “O mangnanao no iwawalam ni Ama ta do to a tao a kapacikaop na rana do italamozong ni Ama ta do to am akman so katenngan a tao a aro so peymeymasaodan. Ta beken a o adan a nanao o katenngan na a ipangnanao, ta katenngan na o vayo a nanao ni Ama ta do to a patwawen.”

Matay 13:52 ပူးပေါင်းရင်းမြစ်များ

Matay 12:35

O apya so nakenakem a tao am apya o icicirawat na. O marahet so nakenakem a tao am marahet o icicirawat na. Ta to macilocilolo do kapyan no onowned nyo a karahet no onowned nyo o powboten nyo a ciring.

Matay 13:51

Maniring si Yeso jira am, “Nyo mamimin o ciring eya yakatenngan?” Maniring sira am, “Namen todamimin a yakatenngan.”

Matay 13:53

Teyka na ni Yeso o aro a pehngehngayan na so ciring na a ipanci am karwan na do dang,

Matay 23:34

Amizngen nyo an, ta manovoy ko so panoyonoywan ko so ciring a kano yanan no teneng na ni Ama ta do to a tao a kano mangnanao a tao a mangay jinyo. So iyan na jira ang no wakwaken nyo. Amyan jira ang so padketen nyo do jyojika. Amyan jira ang so bakbakan nyo do peyneynozyan nyo a paksozen do teyhesa ka ili.

Matay 28:19

Am ori o yangay nyo do peycyamahamahatawan na a mapanop so tao a omanoyong jyaken, a kahap nyo so ngaran ni Ama ta do to a kano Anak na kano Seyzi a tomaktak jira,

Locya 11:49

Am o mina ciring na ni Ama ta do to am, ‘Manovoy ko so panoyonoywan ko so ciring ko a kano nipamnekan ko a tao a omlivolivon no ciriciring ko a mangay jira. Am wakwaken da sira o karwan da. Am o karwan da am peyraraheten da sira.’

Yowani 13:34

O itoro ko a vayo a inanao ko jinyo am masicyakarilaw kamo. To nyo nita o aryarilaw ko jinyo. Ta akman kamo so sang a masicyakarilaw.

2 Kedinto 6:10

Tana yamyan so namen ilavi so onowned am yamyan so namen isaray so onowned. Tana namen makcin am cyaha, ta namen avyain o pahad no aro a tao. Tana yabo o peymeymasaodan namen do karawan am cyaha, ta abo kalahen namen a yamacikaop ji Ama ta do to.

Ivoso 3:4

No si vilangan nyo o teygami ko eya am katenngan nyo rana ori a omaing ji Yeso Kizisto.

Ivoso 3:8

Tana mina saod na so kabo no kapsepsekan ko am na manket yaken a pahanhanen a meylimwang nya jinyo a beken a tao do Yotay so aglaglaw na jyaten ni Kizisto.

Kelosi 1:7

Nyo nimahap o pangangarilawan na ni Ama ta do to ji Ipava a kararay namen a yaji mapasaklang do vazay ni Yeso Kizisto.

Kelosi 3:16

Pakolivavahen nyo do onowned nyo o nanao ni Kizisto. Pangozayan nyo o teneng a nitoro na jinyo ni Ama ta do to a macinanannao. Meyyanwanood kamo so Anwanood ni Tawey a kano meyngongyod apo do onowned nyo a yanood nyo si Ama ta do to.

1 Timotay 3:6

O tomalamozong no kyokay am taosya o kapahanhan so vayo pa omanoyong ji Yeso an. Ta ala mapakarakarang sira so nakenakem akman si Satan a nikaoya na ni Ama ta do to, do kapakakarakarang na so nakenakem.

Tito 1:9

Pangozayan na o manoyong a nanao a apo ji Ama ta do to. Ta ori o ipakananao na so amraralay ni Yeso a tao a kano mangalalas a ji manganwanoyong a tao.