Matay 13:47 - Seysyo No Tao

⁴⁷ “O italamozong na ni Ama ta do to am akman so tawaz a pazaten do awa a ipanawaz so makakaday a among.

Matay 13:47 ပူးပေါင်းရင်းမြစ်များ

Matay 13:44

“O italamozong na ni Ama ta do to am akman so ovay a nibobo do tana. Makala no asa ka tao am bonbonan na kasaray na mamalit no kangangay na isazang na do nihakawan ang.

Matay 13:46

No makakala so mazaponay am ipamalit na o kangangay na so nizpi a mangay na isazang do mazaponay ang.

Matay 13:48

No aro rana o among am ngingiten da rana no mangahahap a tao a kapeykapyapinpin da sya do pamsan na. O pipya among am pangain da do aomas a kawalit da no ji ngangana a among.

Matay 4:19

Maniring si Yeso jira am, “Macilolo kamo jyaken, ta nanawen ko inyo. So icyakma nyoy mangahahap a tao a mapanop so tao.”

Make 1:17

Maniring si Yeso jira am, “Macilolo kamo jyaken, ta nanawen ko inyo. So icyakma nyoy mangahahap a mapanop so tao.”

Locya 5:10

O anak ni Sipitay a meyngaran si Yake a kani Yowani am akman sira so sang a omyak nya. Maniring si Yeso ji Simong am, “Ji ka nyahey an, ta papwen mo sicyaraw eya o kakma moy mangahahap a tao a mapanop so aro a tao.”

Yowani 15:2

O ji malasi a yangaw a macinapnap jyaken am akteben na. O malasi a yangaw na am vezeden na, kato na ngarokan no asi na.

Yowani 15:6

O komaro jyaken a tao am kapalangayan na o yangaw no kayo a nimapolcing a kawalit nya a karokop na rana a kabedbed da sya no tao a ipanotong a katemtem na rana.

Nimlivolivon 20:30

Ta no makwa am amyan do tangain nyo so mangononong so malas amlita do amraralay ni Yeso Kizisto a tao. No amyan so akman sang a tao am ji nyo ngonoci.

1 Kedinto 11:19

So na jyalasi no nyo kasyasyay so nakem. Ta ori o ipakateneng do manoyong rana so nakem ji Ama ta do to.

2 Kedinto 11:26

No kalivon ko am apokwaro no kapeykaranom na, apokwaro do marahet so nakenakem a tao, pacyangayan no alalaw ko do tao do Yotay a kano beken a tao do Yotay a kano alalaw ko do rako a ili da no aro a tao a kano alalaw ko do kabwan no nihakawan no tao a kano alalaw ko do karakwan no awa, a kapacyangay no alalaw ko do ji meyngongyod a akma koy kakteh do cinai.

Cyalatay 2:4

Am yamyan so tatasa ka tao a yanimacizavoz a yamapatpeh so kataotao da. Sira ori am kakzeben da si Tito a amyongkad do kataotao na. Am sira rana am beken a kayyai da, ta ileylamdamen da yamen a yamraralay ni Yeso Kizisto a tao. Ta manngo paro sira. Ala ahapen da o iwawalam ni Moyse.

Ipaziman 3:1

“Ipeyteygami mo o yamimong no kyokay do Satise. Si maniring ka am, ‘Yamaniring o na yanan no Seyzi na ni Ama ta do to a kano yapito a ka mata no hanit am: Ko katenngan o nyo kasasaodan. Ko katenngan o da kapanci ninyo no tao a yamahap so nanao ko. Am yaji meyngongyod o onowned nyo jyaken.