Matay 13:44 - Seysyo No Tao

⁴⁴ “O italamozong na ni Ama ta do to am akman so ovay a nibobo do tana. Makala no asa ka tao am bonbonan na kasaray na mamalit no kangangay na isazang na do nihakawan ang.

Matay 13:44 ပူးပေါင်းရင်းမြစ်များ

Matay 13:24

Mangononong pa si Yeso so asa ka pehngehngayan na so ciring na. Maniring am, “O italamozong na ni Ama ta do to am akman so tao a mangay a meymowa do nihakawan da.

Matay 13:46

No makakala so mazaponay am ipamalit na o kangangay na so nizpi a mangay na isazang do mazaponay ang.

Matay 13:47

“O italamozong na ni Ama ta do to am akman so tawaz a pazaten do awa a ipanawaz so makakaday a among.

Matay 19:21

Maniring si Yeso am, “No si kakzeben mo o kapyapya na pa no ahahapan mo sya am to mo na mimina ipanazang o kangangay mo a ipanidong so makasi a tao. Ta ori iyan no kangangay mo do teyngato, a kapacilolo mo rana jyaken.”

Matay 19:27

Makarahan am maniring rana si Pite am, “Cita pala yamen a yarana nimamimin a yanikomaro do peymeymasaodan namen a yamacilolo jimo. Ikongo kakownongan na no akman sang.”

Matay 19:29

O mahap so vazay ko a to rana ngaro do kavavahay da kano kakakteh da kano inyapwan da kano minapodpod jya kano nihakawan da am arwaro pa o makadpeh jira a kapakahap da so to meyyonong a ikavyay no pahad da.

Matay 6:21

Ta o yanan no peymeymasaodan nyo am pacilolwan no onowned nyo an.

Locya 14:33

Akman kamo so sang an. Ta no si likodan nyo o makakaday a vazay nyo am ori o ikanoyong nyo a macilolo jyaken.

Yowani 6:35

Maniring si Yeso jira am, “Yaken rana am akma koy kanen a ikavyay no pahad nyo. O mai jyaken a tao am to meyyonong rana jyakcin. Omanoyong jyaken am to meyyonong a jyawaw.

Loma 15:4

O ciriciring do Seysyo a yadomket am yamamimin a yana inanao jyaten ni Ama ta do to. O peypeypangayan no nang am ikait jyaten a meyhanhan ni Ama ta do to, kasaray ta amnanala so itoro na jyaten ni Ama ta do to.

Kelosi 2:3

Si Kizisto o na yanan no makakaday a teneteneng.

Kelosi 3:16

Pakolivavahen nyo do onowned nyo o nanao ni Kizisto. Pangozayan nyo o teneng a nitoro na jinyo ni Ama ta do to a macinanannao. Meyyanwanood kamo so Anwanood ni Tawey a kano meyngongyod apo do onowned nyo a yanood nyo si Ama ta do to.

Sipolay 10:34

Akma kamoy to macizanod so alalaw do paneban da tao. No katakaw da so kangangay nyo a nyahap no tao am mina to nyo peykabobwa do onowned nyo. Ta katenngan nyo o kapakahap nyo so apyapya pa a peymeymasaodan nyo do teyngato.

Ipaziman 3:18

Am ori o ko pancyan ninyo a manazang jyaken so ovay a keynakem nyo na, a kapanazang nyo so malavang a ayob nyo a payoben nyo do kataotao nyo kaji nyo a nasnekan, a kapanazang nyo so kosozi a ilinas nyo do mata nyo a kapakacita nyo na.