Matay 13:41 - Seysyo No Tao

⁴¹ Yaken rana a Nipamnekan na ni Ama ta do to a tao am manovoy ko so tinsi a mangay omrakep so tomirara so tao a meyraraten a kano marahet so ahahapan sya,

Matay 13:41 ပူးပေါင်းရင်းမြစ်များ

Matay 13:49

Akman sang no komavos o karawan. Ta mai o aro a tinsi a mapapinpin so ji meyraraten a tao a kapapinpin da so meyraraten a tao,

Matay 18:7

To sira makasi o tao do karawan a kalittan a meyraraten. O raraten no tao am kangay na ori. Am o tao a yapwan no kapeyraraten na am ney rako o oyaoyyan na no akman sang a tao ni Ama ta do to.

Matay 24:31

Manovoy ko so aro a tinsi a meyzapa a ipatao ko so tao do peycyavanovanwan na a mapeylovolovot so nipanop ni Ama ta do to a tao do teyhesa ka mahataw.

Matay 3:12

Yamyan do lima na so ipaninigi. So cigyan na so kadai a kapangay na so pipya kadai do peyvokavokan, kasleb na so ata na do jyahesep a lila no apoy.”

Matay 8:20

Maniring si Yeso jya am, “Amyan so vahay no votdak, amyan so vahay no lapik. Am yaken a Nipamnekan na ni Ama ta do to a tao am abwata o ko tangnan so oo ko an.”

Make 13:27

Pasonsonen ko o tinsi a mangay do peycyamahamahatawan a kalovot ko sira so nipamnekan na ni Ama ta do to a tao a apo do teyhesa ka mahataw.

Loma 2:16

O yako ipeylimwang a Mapasaray a Ciriciring na ni Ama ta do to am no si marateng rana o yai ni Yeso Kizisto a mapeykapyapinpinan so tao am patwawen na rana o makakaday a taywen no tao do onowned da.

Sipolay 1:14

Ikongo o tinsi. Sira rana am na kalamsoyan sira ni Ama ta do to a somidong so yarana makahap so to meyyonong a ikavyay no pahad da tao.

Ipaziman 21:27

Am o meyraraten a kano marahet so iwawalam a kano mangalalas am ji sira makasdep. O amyan so ngaran do vakong no Kagling a yanan rana no to meyyonong a ikavyay no pahad da am ori o makasdep.