Matay 13:31 - Seysyo No Tao

³¹ Ipanci na pa jira ni Yeso o asa ka pehngehngayan na so ciring na. Maniring am, “O ipeyparo da no tao a macikaop do italamozong ni Ama ta do to am akman so asa ka vettow no nappa a tokosen no tao do peymowamowan na.

Matay 13:31 ပူးပေါင်းရင်းမြစ်များ

Matay 13:24

Mangononong pa si Yeso so asa ka pehngehngayan na so ciring na. Maniring am, “O italamozong na ni Ama ta do to am akman so tao a mangay a meymowa do nihakawan da.

Matay 17:20

Maniring si Yeso am, “O nyo ikakman sang am yaji makanet pa o nakenakem nyo si Ama ta do to. To ko na macitangayan jinyo am tana akman kamo so alikey a vettow no nappa so kakdekdeng no nakem am tana to nyo nirsirnga o tokon a meylis do yanan na kangay na do kwang am meylis ori an. So ikabo no ji nyo a peyvazay a vazay.

Locya 17:6

Maniring si Yeso am, “Tana akman kamo so alikey a vettow no nappa so kakdekdeng no nakem am tana to mo nirsirnga o kayo a manci no, ‘To ka botbot a kangay mo amlida do awa,’ am jyabo kaji na ngonotan jinyo a.

Locya 19:11

Makapya sira omamizing so ciring na ni Yeso am mangamaog so payyaingen na ciring na. Am no kanang am makeykai rana si Yeso a makaranes do Yelosaleng. Naknakmen da am, “Ala oya rana o papwen na so katalamozong na nyaten ni Ama ta do to.”

Locya 20:9

Meyratateng am ipanci na jira ni Yeso o payyaingen na sya. Maniring am, “Amyan so asa ka tao a meycibcib so mowan na so potaw. Am ikongo do mangay meykownayan do matarek a ili, am ori o nitorwan na no nihakawan na do tao a vooden da.