Matay 13:3 - Seysyo No Tao

³ Makarahan am mangononong so pehngehngayan na so aro a ciring na. Maniring am, “Amyan so asa ka tao a mangay a manokos.

Matay 13:3 ပူးပေါင်းရင်းမြစ်များ

Matay 13:4

Manokos ori am amyan so zomsi do rarahan. Am mangay da toktokan no meyyasasalap.

Matay 13:53

Teyka na ni Yeso o aro a pehngehngayan na so ciring na a ipanci am karwan na do dang,

Matay 22:1

Amyan pa so pehngehngain na ni Yeso a asa ka ciring na. Maniring am,

Matay 24:32

“To nyo na nita o ovako a kayo. No to naod rana do yangayangaw na o tomyok am to nyo na tenngi o ka teyteyka na rana.

Make 12:1

Nanawen na sira ni Yeso am mangononong so pehngehngayan na so ciring na. Maniring am, “Amyan so asa ka tao a nimeymowa so asa lan a potaw. Makarahan am zazacitan na o livolivon na a kapamaring na so pangatesan na so potaw a kapatnek na so tagakal a panitan na so manakaw a tao. Mateyka na am itoro na do tao a vooden da peymowan a kangay na rana do marai a ili.

Make 12:12

Makazazap da no panipanirsirngen no tao do Yotay o pakacirngen na jira. Am ori o naknakman da si Yeso a rakpen. Am kanyahey da no aro a tao. Ori o to da rana angai.

Make 3:23

Makarahan am lovoten na sira ni Yeso o aro a tao do tangain na kapanci na nya jira so asa ka pehngehngayan na so ciring na a inanao na sira. Maniring jira am, “Jyabo kapamozwaw ni Satan so kalamsoyan na.

Make 4:13

Maniring jira si Yeso am, “Nyo jyatenngi o ko pehngehngain a ciring ko? No si akman kamo so sang am jyabo kapakateneng nyo do karwan no pehngehngayan ko so ciring ko a.

Make 4:33

Aro o akman sang a payyaingen na ni Yeso a ciring na a inanao na so tao. To na mangozai o katenngan da no tao a inanao na sira.

Locya 12:41

Maniring si Pite am, “Mo pakacirngen jyamen ori an? No mo pakacirngen do karwan no tao.”

Locya 8:10

Maniring jira am, “O ji na nipatwaw pa peypeypangayan na no katalamozong na ninyo ni Ama ta do to o ipanci ko jinyo an. Am o karwan da no tao am nanawen ko sira no payyaingan ko sya ciring. Ta tana citacitahen da am akma dey jyacita. Tana amyamizngen da am ji da tenngi.

Yowani 16:25

“Amyan rana so nipehngehngay ko a ciring ko jinyo. Am yarana makeykai o araraw na a makaranes. So ji ko rana mapowzibi so ciring ko. Ta ko na pasononga o vazay ni Ama a ipanci ko jinyo.